ဧပြီလ ၂၄ ရက် နေ့မှာ ရခိုင်အမျိုးသားအဖွဲ့ချုပ် ULA/AA ဒုစစ်ဦးစီးချုပ် ဒေါက်တာညိုထွန်းအောင် နှင့် ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA အရာရှိသင်တန်းကျောင်း အလုပ် အမူဆောင်ကော်မတီဝင်များ သင်တန်းသူ/သားများတို့ တွေ့ဆုံပြီး ဒေါက်တာညိုထွန်းအောင်မှ အ ရာရှိ သင်တန်းကျောင်း ကိစ္စနှင့်ပါတ်သက်ပြီး အရည်အချင်းပြည့်မှီသော ခေါင်းဆောင်ကောင်းဖြစ်လာဖို့ ရခိုင်အမျိုးသားအဖွဲ့ချုပ် ULA/AA အနေဖြင့် တက်ရောက်ခဲ့ဖူးသည့် အရာရှိသင်တန်းကျောင်းများ အကြောင်းကို ရှင်းလင်းပြောကြားခဲ့ပါသည်။
တွေ့ဆုံသည့်နေရာမှာ နှစ်ဖက် တာဝန်ရှိသူများ အပြန်အလှန်မိတ်ဆက်ခြင်း ၊ လက်ရှိဖွင့်လှစ်ထားသည့် OTS အရာရှိသင်တန်းကျောင်း ဖြစ်ပေါ်လာပုံများ ၊ သတ်မှတ်စည်းမျဉ်းစည်းကမ်းများ အဆင့်ဆင့် နှင့် သင်ကြားရေး ဘာသာရပ်များ အကြောင်းကို SSPP/SSA အရာရှိသင်တန်းကျောင်း အလုပ်အမူဆောင်တို့မှ ပြန်လည်ရှင်းလင်းတင်ပြခဲ့သည်။
“အရာရှိသင်တန်းကျောင်းကို ရခိုင်အမျိုးသားအဖွဲ့ချုပ် အနေနဲ့ ယခင်တုန်းက ကချင်ပြည်နယ်မှာ လူလွတ်ပြီး အများနဲ့ပူးတွဲ တက်ရောက်သင်ကြားခဲ့တာရှိသလို ကိုယ့်ဟာကို ဦးဆောင်ဖွင့်လှစ်ခဲ့တာ လဲရှိပါတယ်။ အရာရှိသင်တန်းကျောင်းက ဘယ်လောက်ထိအရေးကြီးသလဲဆိုတာ အခုချိန်မှာ စစ်ဉီးဆောင်သူကိုလိုမယ့်ချိန်မှ ပိုပြီးသိလိမ့်မယ်။
ဒီသင်တန်းကျောင်းဟာ အရည်အချင်းပြည့်မှီတဲ့ ခေါင်းဆောင်ကောင်း ဖြစ်လာဖို့ အခြေခံသင်တန်းတစ်ခုဖြစ်ပါတယ်။ ပြန်ကြည့်ရရင် အရာရှိသင် တန်းကျောင်းဟာ ခေါင်းဆောင်ကောင်း မွေးထုတ်လာနိုင်ဖို့ တက်လာမယ့်လူငယ်တွေအတွက် အရမ်းအရေးပါတဲ့ အတွက်ကြောင့် တိုင်းရင်းသား တော်လှန်ရေးအဖွဲ့တိုင်းလိုလို ဖွင့်လှစ်ထားတာလဲ တွေ့ရပါ တယ်” လို့ ရခိုင်အမျိုးသားအဖွဲ့ချုပ် ULA/AA ဒုဦးစီးချုပ် ဒေါက်တာညိုထွန်းအောင်က တွေ့ဆုံ သည့်အချိန်မှာ ပြောကြားခဲ့ပါသည်။
တွေ့ဆုံခြင်းအစီစဉ်များပြီးသည့်နောက် နှစ်ဖက်အပြန်အလှန် အမှတ်တရလက်ဆောင်များပေးအပ် ခြင်း ၊ ဒေါက်တာညိုထွန်းအောင်မှ အရာရှိသင်တန်းကျောင်း အတွင်းရှိ စဝ်ဆေဝိုင် စာကြည့်တိုက်နေရာများအား လှည့်လည် ကြည့်ရှူ့ခဲ့သည်။
#shanstateprogressparty
#shanstatearmy#SSPPInfo
#OTS.SSA
#ႁူင်းႁဵၼ်းၽူႈမီးၸၼ်ႉ
#ဗိုလ်လောင်းသင်တန်းကျောင်း#
