ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းၼွင်ၶဵဝ် လႄႈ ၸေႈဝဵင်းၵျွၵ်ႉမႄးၼၼ်ႉ ၸွႆႈထုၺ်မႄးသဵၼ်ႈတႃႈသၢႆတၢင်း လႄႈ ၸွႆႈဢိတ်ႇၶဝ်ႈၵၢပ်ႇပၼ် ပေႃႈမႄႈၵူၼ်းမိူင်းၼႂ်းပိုၼ်ႉတီႈ။

ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေၵႂႃႇမႃးငၢႆႈ ၼႆသေ မိူဝ်ႈလိူၼ် April (25) ဝၼ်း ၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ် ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(22) ၼွင်ၶဵဝ် လႆႈဢွၼ်ႁူဝ် ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ႁူမ်ႈသဵင်ႈ (6 ) ၵေႃႉ ၊ ၵႃးထုၺ်ႈလိၼ် ( 4) လမ်းသေ ၵႂႃႇၸွႆႈထႅမ် ထုၺ်ႈတၢင်း/ၶႂၢၵ်ႈတၢင်းပၼ် ပေႃႈမႄႈၵူၼ်းမိူင်း ဢၼ်ပဵၼ်သဵၼ်ႈတၢင်း လုၵ်ႉတီႈဝၢၼ်ႈသၢႆးၶၢဝ် ဢိူင်ႇၵျွၵ်ႉၵျီး တေႃႇထိုင် ဝၢၼ်ႈလူင်ၶူၵ်ႉ ဢိူင်ႇပၢၼ်ႉပူၺ်းၶျႅင်း ၸေႈဝဵင်းၼွင်ၶဵဝ် ၼၼ်ႉယူႇယဝ်ႉ။

သဵၼ်ႈတၢင်းၼၼ်ႉ တၢင်းၵႆမီး (2) လၵ်း ၊ တၢင်းၵႂၢင်ႈမီး (20) ထတ်း လႄႈ သၢင်ႉငိုၼ်းဢၼ်လႆႈၸႂ်ႉတိုဝ်း ၸွႆႈထႅမ်ၵႂႃႇၼၼ်ႉ တူၵ်းမႅၼ်ႈ (1,820,000) သိပ်းပႅတ်ႇသႅၼ် သွင်မိုၼ်ၵျၢပ်ႈ ယူႇယဝ်ႉ။

ၼႂ်းဝၼ်းလဵဝ်ၼၼ်ႉၵူၺ်း ၶၢဝ်းယၢမ်း ၵၢင်ၼႂ် 08:00မူင်း တေႃႇထိုင် 12:00 မူင်း ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ် ပၵ်း သဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(24) ၵျွၵ်ႉမႄး ၼၼ်ႉ လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇ တပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း (6 ) ၵေႃႉ ၸွႆႈဢိတ်ႇၶဝ်ႈၵၢပ်ႈပၼ် လုင်းသူၺ်ႇ + ပႃႈဢွၼ်ႇ ဝၢၼ်ႈသူၼ်ဢွႆႈ ဢိူင်ႇၼမ်ႉသိမ်ႇ ၸေႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ၼၼ်ႉယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်ႁႃ ၵိၼ်လဵင်ႉတွင်ႉ၊ ၵၢၼ်ႁူမ်ႇလူမ်ႈ ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်း လၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်း ၸႂ် ၸွႆႈထႅမ်ၵႂႃႇယူႇယဝ်ႉ။

#shanstateprogressparty

#shanstatearmy

#SSPPInfo

#ၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼွင်ၶဵဝ်