ရှမ်းပြည်နယ်မြောက်ပိုင်း သိန္နီမြို့နယ် အတွင်းရှိ ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA တပ်စခန်းတစ်ခုကို ယမန်နေ့ကစပြီး ကိုးကန့်တပ်ဖွဲ့ MNDAA က တိုက်ခိုက်ရေး ဒရုန်းဖြင့် နှစ်ကြိမ်တိုင် စ တင်တိုက်ခိုက်ခဲ့ပြီးနောက် ယနေ့ မတ်လ ၂၇ ရက် နေ့အ ထိ နှစ်ဖက်ထိတွေ့တိုက်ပွဲ ဖြစ်ပွားခဲ့ ရပါသည်။
တိုက်ပွဲဖြစ်စဉ်မှာ သိန္နီမြို့နယ် နမ့်စလပ် ကျေးရွာအုပ်စု နှင့် စယ်အူကျေးရွာအုပ်စု အတွင်း လုပ်ရှားနေသည့် SSPP/SSA စစ်ကြောင်းတွေကို ယမန်နေ့ မတ်လ ၂၆ ရက်နေ့ ညနေ ၃ နာရီကျော်အချိန်တွင် ကိုးကန့်တပ်ဖွဲ့ MNDAA မှ တိုက်ခိုက်ရေးဒရုန်းဖြင့် SSPP/SSA စစ် ကြောင်း ကိုလိုက်လံတိုက်ခိုက်ရာကနေ စယ်အူကျေးရွာ အုပ်စု ကုန်းညောင် ကျေးရွာ အနီးမှာ ၁၀ မိနစ်ကြာ နှစ်ဖက်ထိတွေ့တိုက်ပွဲဖြစ်ပွားခဲ့ရပါသည်။
ယနေ့ မတ်လ ၂၇ ရက်နေ့ နံနက် ၉ နာရီအချိန်တွင်လည်း စယ်အူကျေးရွာအုပ်စု ပန်နားကျေးရွာအနီးရှိ လယ်ကွက် ထဲကနေ ကိုးကန့်တပ်ဖွဲ့ MNDAA အင်အား ၂၀၀ ခန့်က ၎င်းအနီးနားရှိ SSPP/SSA ၏အထူးတပ်စခန်း တစ်နေရာကို တိုက်ခိုက်ရေးဒရုန်းဖြင့် အကြိမ်ပေါင်း ၅၀ ကျော် ဗုံးကျဲတိုက်ခိုက်ခဲ့ပြီး နံနက် ၁၁ နာရီကျော် အချိန် မှာမြေပြင်စစ်အင်အား ၂၀၀ ကျော်ဖြင့် SSPP/SSA တပ်စခန်းကို ထပ်မံ ထိုးစစ်ဆင်တိုက်ခိုက်ခဲ့ရာ နေ့လည် ၁၂ နာရီကျော်အချိန်ထိ နှစ်ဖက်ထိတွေ့တိုက်ပွဲဖြစ်ပွားခဲ့ရပါသည်။
တိုက်ပွဲအတွင်း ကိုးကန့်တပ်ဖွဲ့ MNDAA၏ ထိုးစစ်ဆင်တိုက်ခိုက်မူများကို SSPP/SSA မှ ခုခံကာကွယ်သည့် အနေအထားဖြင့်သာ ခုခံတိုက်ခိုက်ခဲ့ပြီး တိုင်းရင်းသား အချင်းချင်းပြည်လည်သင့်မြတ်ရေးအတွက် ရှေးရှူ့ကာ တွေ့ဆုံဆွေးနွေးမူ လမ်းစဉ်ဖြင့် အတတ်နိုင်ဆုံး ပြသာနာများဖြေရှင်းသွားနိုင်ရန်လည်း ကြိုးပမ်း ဆောင်ရွက်သွားမည်ဖြစ်ပါသည်တွေ့ဆုံဆွေးနွေးခြင်းလမ်းစဥ်ဖြင့် လုံးဝဖြေရှင်းလို့ မရခဲ့မှသာ မိမိအဖွဲ့အစည်း မိမိအုပ်ချုပ်ရေး နယ်မြေအတွင်းရှိ မိဘပြည်သူများကို ထိပါးစော်ကားမူ ပြုလုပ်ခဲ့ပါက SSPP/SSA အနေဖြင့် ထိထိရောက်ရောက်ပြန်လည် တုန့်ပြန်သွားမှာဖြစ်ပါသည်။
#shanstateprogresspart#
#shanstatearmy
#SSPPInfo
#တိုက်ပွဲ
#SSPP
#MNDAA
