ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (20) ၵျွၵ်ႉမႄး ၸေႈတွၼ်ႈမၢႆ(11) ၼၼ်ႉ ဢွၼ်ႁူဝ် ၸွႆႈထႅမ်ႁဵတ်းယွင်ၼမ်ႉ၊ ႁဵတ်းသဵၼ်ႈတႃႈသၢႆတၢင်းပၼ် ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ။
ယိူင်းဢၢၼ်း တႃႇပေႃႈမႄႈၵူၼ်းမိူင်း တေၵႂႃႇမႃးငၢႆႈ ၼႆသေ မိူဝ်ႈဝၼ်းထီႉ 20/01/2024 ၼၼ်ႉ ၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်း သဝ်းတူင်ႉ ၼိုင် ၼႂ်းပိုၼ်ႉတီႈ ၸေႈဝဵင်းမၢႆ (20 ) ၵျွၵ်ႉမႄး ၸေႈတွၼ်ႈမၢႆ (11) ၼၼ်ႉ ၵႂႃႇၸွႆႈထုၺ်ႈတၢင်းၶႂၢၵ်ႈတၢင်း၊ မႄးတၢင်း ၊ႁဵတ်းတၢင်း ပၼ် ပေႃႈမႄႈၵူၼ်းမိူင်း တေႇတီႈ ဝၢၼ်ႈၽႃမွတ်ႈ တေႃႇထိုင် ဝၢၼ်ႈပွၵ်ႈ ဢိူင်ႇပုင်းလူင် ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ လႄႈ တေႃႇထိုင်ယၢမ်းလဵဝ်ၵေႃႈပႆႇယဝ်ႉတူဝ်ႈ တိုၵ်ႉမႅၼ်ႈၽွင်း တိုၵ်ႉၶတ်း ၸႂ်ႁဵတ်းသၢင်ႈယူႇၼႆယဝ်ႉ။
လိူဝ်သေၼၼ်ႉ ယိူင်းဢၢၼ်းတႃႇတေႁႂ်ႈ ပေႃးမႄႈၵူၼ်းမိူင်း ၸိူဝ်းယၢပ်ႇၵိၼ်းၼမ်ႉၸႂ်ႉ ၊ ၼမ်ႉၵိၼ်ၼၼ်ႉ ပေႃးတေလႆႈၸႂ်ႉၼမ်ႉ ထိုင်ဝၢၼ်ႈ ထိုင်ႁိူၼ်းၽႂ်မၼ်းၼႆသေ တေႇမိူဝ်ႈဝၼ်းထီႉ 16/11/2023 ၼၼ်ႉ ၵေႃႈ လႆႈဢွၼ်ႁူဝ် ၵေႃႇသၢင်ႈပူၵ်းပွင်ႁဵတ်းပၼ် ၼမ်ႉ/ယွင်ၼမ်ႉ တီႈဝၢၼ်ႈၶိုမ်းၵဝ်ႇ ဢိူင်ႇၶိုမ်းၵဝ်ႇ လႄႈ လႆႈႁဵတ်းသၢင်ႈယဝ်ႉတူဝ်ႈၵႂႃႇမိူဝ်ႈဝၼ်းထီႉ 05/01/2024 ၼၼ်ႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်ပူၵ်းပွင်တွၼ်ႈလိၼ်ၶိုၼ်ႈယႂ်ႇၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉ သိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်း ၸႂ် ၸွႆႈထႅမ်ၵႂႃႇယူႇယဝ်ႉ။#shanstateprogressparty
#shanstatearmy
#SSPPInfo
#ၸွႆႈႁဵတ်းၼမ်ႉ
#ႁဵတ်းတၢင်း
