ယိူင်းဢၢၼ်း တႃႇၵူၼ်းမိူင်း ၵူၼ်းသိုၵ်း ၵႂႃႇမႃးငၢႆႈ ၼႆသေ ပူၼ်ႉမႃးလၢႆလၢႆဝၼ်း ၼႆႉ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA မႄးသဵၼ်ႈတႃႈသၢႆတၢင်း ၼႂ်းပိုၼ်ႉတီႈ ၸေႈဝဵင်း မၢႆ(20) ၵျွၵ်ႉမႄး ၸိုင်ႈတႆးပွတ်းႁွင်ႇ။
ၽွင်းမိူဝ်ႈၶၢဝ်းႁိုဝ်ႉၶၢဝ်းၾူၼ်ၼႆႉ သဵၼ်ႈတႃႈသၢႆတၢင်း ပဵၼ်ဢုင် ပဵၼ်ငႂ်ႈ ၊ ၵူၼ်းမိူင်း ၵူၼ်းသိုၵ်း ၵႂႃႇမႃးယၢပ်ႇ ၽိုတ်ႇၼႆလႄႈ မိူဝ်ႈလိူၼ်ၵျူၼ်ႇ 19 ဝၼ်း တေႃႇထိုင် 21 ဝၼ်း ၶၢဝ်းတၢင်းႁိုင်သၢမ်ဝၼ်း ၼၼ်ႉ ယူႇတီႈ ၵေႃႉ သိုၵ်းၵေႃႉႁၢၼ် SSPP/SSA ၼႂ်းတပ်ႉႁူမ်ႇလူမ်ႈ ငဝ်ႈတပ်ႉ ၸုမ်း (72) လႄႈ ၼႂ်းတပ်ႉၵွင် (773) ႁူမ်ႈႁႅင်းသိုၵ်း (10) ၵေႃႉ ဢွၼ်ၵၼ် တေႃႉတၢင်ႇမၢၵ်ႇႁိၼ် မႄးသိူဝ်ႇသဵၼ်ႈတႃႈသၢႆတၢင်း ၼႂ်းၵႄႈ ဝၢၼ်ႈပႃႇပူၵ်ႇ ၊ ဝၢၼ်ႈဢေႃႈၶမ်း ဢိူင်ႇၵျွၵ်ႉမႄးလူင် ၸေႈဝဵင်းမၢႆ(20) ၵျွၵ်ႉမႄး ၼၼ်ႉယူႇယဝ်ႉ။
![](https://ssppssa.org/file/2024/06/1000309928.jpg)
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵူႈပၢႆးပၢႆးၼႆႉ တေႇ ဢဝ် ၸၼ်ႉၵေႃႉသိုၵ်းၵေႃႉႁၢၼ်ၶိုၼ်ႈ တေႃႇထိုင် ၸၼ်ႉငဝ်ႈငုၼ်း ၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ တေ ၶတ်းၸႂ်ၸွႆႈထႅမ်ၵႂႃႇယူႇယဝ်ႉ။