ၵေႃႉသိုၵ်းၵေႃႉႁၢၼ် SSPP/SSA ၸွႆႈထႅမ်ၵေႃႇသၢင်ႈၵွင်းမူး လႄႈ ၸွႆႈသိူဝ်ႇတၢင်းပၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ
SSPPInfo
09-05-2024
ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (24) ၵျွၵ်ႉမႄး ၸေႈဝဵင်းမၢႆ(22) ၼွင်ၶဵဝ် ၼၼ်ႉ ၸွႆႈထႅမ် ၵေႃႇသၢင်ႈၵွင်းမူး လႄႈ ၸွႆႈသိူဝ်ႇတၢင်းပၼ်ပေႃႈမႄႈမိူင်း ၼႂ်းပိုၼ်ႉတီႈၼႆယူႇယဝ်ႉ။
မိူဝ်ႈလိူၼ် မေႇ 8 ဝၼ်း ၼၼ်ႉ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ႁႅင်းၵူၼ်းသိုၵ်း (6)ၵေႃႉ ၵႂႃႇၸွႆႈထႅမ် ဢဝ်သၢႆး သိူဝ်ႇတၢင်း ပၼ်ပေႃႈမႄႈ ၵူၼ်းမိူင်း တီႈဝၢၼ်ႈလွႆၶမ်း ဢိူင်ႇမိူင်းပၢႆ ၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။
မိူဝ်ႈလိူၼ် မေႇ 7 ဝၼ်း ယၢမ်းၵၢင်ၼႂ် 08:00 မူင်း တေႃႇထိုင် 17: 00 မူင်း ၼၼ်ႉၵေႃႈ ယူႇတီႈၽူႈၵွၼ်းပၢႆးမိူင်းတပ်ႉၵွင် (816) SSPP/SSA ဢွၼ်ႁူဝ် ၵူၼ်းသိုၵ်း ဢိၵ်ႇ ၵူၼ်းမိူင်း ႁူမ်ႈ ( 200) ၵေႃႉ သေ ၸွႆႈၵၼ် တေႃႉမၢၵ်ႇဢုတ်ႇ၊ တေႃႉသၢႆး တႃႇၵေႃႇသၢင်ႈ ၵွင်းမူးထၢတ်ႈၸႅတ်ႈ လွႆငိုၼ်း ဢၼ်မီးၼႂ်း ၵႄႈၵၢင် ဝၢၼ်ႈတူၼ်ႈၵႅင်း လႄႈ ဝၢၼ်ႈထၢၼ်းတပၢင်ႇ ဢိူင်ႇၼွင်ပိင် ၸေႈဝဵင်းၵျွၵ်ႉမႄး ၼၼ်ႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်သႃႇသၼႃႇ ၊ ၵၢၼ်ႁႃၵိၼ်လဵင်ႉတွင်ႉ ၊ ၵၢၼ်ႁူမ်ႇလူမ်ႈပေႃႈမႄး ၵူၼ်းမိူင်း ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉ သိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ် ၵႂႃႇယူႇယဝ်ႉ။
