ၽူႈမီးပုၼ်ႈၽွၼ်းၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈဢုပ်ႉပိူင်ႇ ထုင်ႉၼမ်ႉပွင်ႈ ၸေႈဝဵင်းလႃႈသဵဝ်ႈၼၼ်ႉ ႁူမ်ႈမိုဝ်းပေႃႈမႄႈ ၵူၼ်းမိူင်းသေ ဢွၼ်ႁူဝ်လုၵ်ႈၼွင်ႉ ၵေႃႉသိုၵ်းၵေႃႉႁၢၼ် ၶဝ်ႈၵူတ်ႇထတ်း တီႉၺွပ်း ၵူၼ်းသူႇ၊သမ်း ၊ၵိၼ်၊ၶၢႆ ယႃႈမဝ်းၵမ် ၼႂ်းပိုၼ်ႉတီႈ ၼႆယူႇယဝ်ႉ။
ယူႇတီႈပေႃႈမႄႈၵူၼ်းမိူင်း ယွၼ်းတၢင်းႁူမ်ႈမိုဝ်းၸူးတီႈ ၽူႈမီးပုၼ်ႈၽွၼ်း SSPP/SSA ဢၼ်တူင်ႉၼိုင်ပၵ်းသဝ်း ၼႂ်းပိုၼ်ႉတီႈ ၼၼ်ႉသေ မိူဝ်ႈဝၼ်းထီႉ 07-02-2024 ၼၼ်ႉ ၽူႈမီးပုၼ်ႈၽွၼ်း ၾၢႆႇတပ်ႉၾၢႆႇ ဢုပ်ႉပိူင်ႇ SSPP/SSA ၼႂ်းၼႃႈတီႈဢုပ်ႉပိူင်ႇၸေႈဝဵင်းမၢႆ (34) ထုင်ႉ ၼမ်ႉပွင်ႈ ၸေႈဝဵင်းလႃႈသဵဝ်ႈ ဢွၼ်ႁူဝ်လုၵ်ႈၼွင်ႉ ၵေႃႉသိုၵ်း ၵေႃႉႁၢၼ်ႁႅင်းၵူၼ်းသိုၵ (10) ၵေႃႉ ၶဝ်ႈတိၺွပ်း ၵူၼ်းၵဵဝ်ႇၶွင်ႈယႃႈမဝ်းၵမ်ၼႂ်းပိုၼ်ႉတီႈ လႄႈ တိၺွပ်းလႆႈ ၵူၼ်းၵဵဝ်ႇၶွင်ႈယႃႈမဝ်းၵမ် (2) ၵေႃႉ ၊ ႁူမ်ႈပႃးၶိူင်ႈၶူဝ်း ဢၼ်ၵဵဝ်ႇၶွင်ႈ ယႃႈမဝ်းၵမ်ၸဵမ်ၸိူဝ်းၼႆႉ ယူႇယဝ်ႉ။
ၵူၼ်းဢၼ်ၵဵဝ်ႇၶွင်ႈယႃႈမဝ်းၵမ် (2)ၵေႃႉၼၼ်ႉ ပဵၼ်ၽူႈ ၸၢႆး ၸိုဝ်ႁွင်ႉ ၸၢႆးဢွင်ႇမျႅတ်ႈ သႅၼ်းဢႃႇယု ( 32 ) ၶူပ်ႇ ယူႇဝၢၼ်ႈၼမ်ႉပွင်ႈ ၊ လုင်းဢႃးသၢင်း ဢႃႇယု (50)ၶူပ်ႇ ယူႇဝၢၼ်ႈတၢၼ်ႇလုၼ်ႇ ဢိူင်ႇၼမ်ႉပွင်ႈ ၸေႈဝဵင်းလႃႈသဵဝ်ႈသေ တိႉၺွပ်းလႆႈပႃး ယႃႈမ လႄႈ ၶူဝ်းၶွင်ဢၼ်ၵဵဝ်ႇၶွင်ႈ လွင်ႈသူ ၊ သမ်း ၊ ၵိၼ် ၊ ၶၢႆ ယႃႈမဝ်းၵမ် ၸဵမ်ၸိူဝ်းၼႆႉယူႇယဝ်ႉ။
ၼင်ႇႁိုဝ်ပေႃႈမႄႈၵူၼ်းမိူင်းႁဝ်းပေႃႈတေလွတ်ႈၽေးယႃႈမဝ်းၵမ်ၼၼ်ႉ တေသိုပ်ႇႁူမ်ႈမိုဝ်းၸွမ်း ပေႃႈမႄႈၵူၼ်းမိူင်းၼႂ်းပိုၼ်ႉတီႈ လႄႈ တေၶတ်းၸႂ်ၽဵဝ်ႈမူၺ်ႉ ယႃႇမဝ်းၵမ်ၵႂႃႇ ၸွမ်းၼင်ႇမူႇပိူင် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA မီးဝႆႉၼၼ်ႉ ယူႇယဝ်ႉ။#shanstateprogressparty
#shanstatearmy
#SSPPInfo
#ယႃႈမဝ်းၵမ်
