ၽူႈမီးပုၼ်ႈၽွၼ်းၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈၸေႈဝဵင်းမၢႆ (18) ၸေႈဝဵင်းၼမ်ႉတူႈ ၼၼ်ႉ လႆႈၵႂႃႇလူႇတၢၼ်း ဝုတ်ႉထုငိုၼ်း တႃႇၶဝ်ႈသွမ်းၽၵ်းသွမ်း ၼႂ်းပၢင်တွပ်ႇလိၵ်ႈ သင်ႇၶႃႇၸဝ်ႈ တီႈဝတ်ႉၵျွင်းႁွင်ႇဝၢၼ်ႈၸၢမ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ၼႆယူႇယဝ်ႉ။

မိူဝ်ႈဝၼ်းထီႉ 18/02/2024 ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်တူင်ႉၼိုင်ပၵ်းသဝ်း ၼႂ်းၸေႈဝဵင်းမၢႆ(18) ၼမ်ႉတူႈ တၢင်တူဝ် ၽူႈၸတ်းၵၢၼ်ၸေႈဝဵင်း လႄႈ ၽူႈၵွၼ်းပၢႆးမိူင်းတပ်ႉၵွင် (249) ႁူမ်ႈၵၼ်သေ လႆႈၵႂႃႇလူႇတၢၼ်း ဝုတ်ႉထုငိုၼ်း (500,000) ႁႃႈသႅၼ်ၵျၢပ်ႈ တႃႇၶဝ်ႈသွမ်းၽၵ်းသွမ်း ၼႂ်းပၢင်တွပ်ႇလိၵ်ႈ သင်ႇၶႃႇၸဝ်ႈ ဢွင်ႈတီႈပၢင်တွပ်ႇလိၵ်ႈ ဝတ်ႉၵျွင်းႁွင်ႇ ဝၢၼ်ႈၸၢမ် ဢိူင်ႇဝၢၼ်ႈၸၢမ် ၸေႈဝဵင်းၼမ်ႉတူႈ ၼၼ်ႉယူႇယဝ်ႉ။

ပၢင်တွပ်ႇလိၵ်ႈ သင်ႇၶႃႇၸဝ်ႈ တီႈဝတ်ႉၵျွင်းႁွင်ႇဝၢၼ်ႈ ၸၢမ်ၼႆႉ လႆႈတေႇၸတ်းႁဵတ်း မိူဝ်ႈဝၼ်းထီႉ 10/02/2024 သေ ၼႂ်းၼၼ်ႉ ၸဝ်ႈသင်ႇၶႃႇပႂ်ႉပႃး မီး (25) ပႃး ၊ ၸဝ်ႈသင်ႇၶႃႇတွပ်ႇလိၵ်ႈမီး (48) ပႃး ႁူမ်ႈတင်းသဵင်ႈ မီး (73) ပႃး ၼႆယူႇယဝ်ႉ ။

လွင်ႈၸွႆႈထႅမ်ၵၢၼ်တွၼ်ႈလိၼ်ၶိုၼ်ႈယႂ်ႇ ၊ ၵၢၼ်သႃႇသ ၼႃႇ ၊ ၵၢၼ်ပၢႆးပိင်ႇၺႃႇ ၵူႈပၢႆးပၢႆးၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ ၼၼ်ႉ ယူႇတီႈၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ႇၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ ။

#shanstateprogressparty #shanstatearmy

#SSPPInfo

#ပၢင်တွပ်ႇလိၵ်ႈသင်ႇၶႃႇၸဝ်ႈ

#လူႇတၢၼ်း

#ၸေႈဝဵင်း18