မုၵ်ႉၸုမ်းၼၢင်းယိင်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လူင်းပိုၼ်ႉတီႈ ႁူပ်ႉထူပ်း ပေႃႈမႄႈၵူၼ်းမိူင်း လႄႈ ၸွႆႈထႅမ် ငိုၼ်း တႃႇၵူၼ်း ပၢႆႈ ၽေးပၢင်တိုၵ်း ၼႂ်းၸေႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၼႆယူႇယဝ်ႉ ။မိူဝ်ႈဝၼ်းထီႉ 27/12/2023 ၼၼ်ႉ ယူႇတီႈမုၵ်ႉၸုမ်းၼၢင်းယိင်း တီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး SSPP/SSA လႆႈလူင်းႁူပ်ႉထူပ်း ပၼ်ႁႅင်းၸႂ် ပေႃႈမႄႈၵူၼ်းမိူင်း ၸိူဝ်းဢၼ်ပၢႆႈၽေးပၢင်တိုၵ်း ၼႂ်း ၸေႈဝဵင်းၼမ်ႉၶမ်း သေ လႆႈၸွႆႈထႅမ်ငိုၼ်း (50) သႅၼ် (ႁႃႈသိပ်းသႅၼ်) ၵျၢပ်ႈ ၼႆႉယူႇယဝ်ႉ။

ၵူၼ်းပၢႆႈၽေးပၢင်တိုၵ်း ဢၼ်မႃးသွၼ်ႈသဝ်းဝႆႉ တီႈဝတ်ႉ ၵျွင်းမုၼ်ၸဝ်ႈ ဝၢၼ်ႈၼွင်ၶမ်း ၊ ဝတ်ႉၵျွင်းဝၢၼ်ႈၵုၼ်ႁႆးတႂ်ႈ/ၼိူဝ် ၊ ဝတ်ႉၵျွင်းဝၢၼ်ႈၵုၼ် ၊ ဝတ်ႉၵျွင်းႁူဝ်သၢႆး ၊ ဝတ်ႉၵျွင်းဝၢၼ်ႈသွၼ်း ၊ ဝတ်ႉၵျွင်းဝၢၼ်ႈဢႆႇတႂ်ႈ (ထုင်ႉလွႆ ႁူဝ်သိူဝ်) ၼႂ်းၸေႈဝဵင်းၼမ်ႉၶမ်းၼႆႉ ႁူမ်ႈသဵင်ႈမီး (5160) ၵေႃႉ လႄႈ မီးလွင်ႈယၢပ်ႇၽိုတ်ႇ လွင်ႈၵိၼ်ယမ့် ၊ လွင်ႈၸွႆႈတူၺ်းထိုင်ပၼ် ပၢႆးယူႇလီၸဵမ်ၸိူဝ်းၼႆႉယူႇယဝ်ႉ။#shanstateprogressparty

#shanstatearmy

#SSPPInfo

#မုၵ်ႉၸုမ်းၼၢင်းယိင်း

#ၸေႈဝဵင်းၼမ်ႉၶမ်း

#ၸွႆႈထႅမ်ၵူၼ်းပၢႆႈၽေး