ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမႆၢ (42) ဝဵင်းၵုၼ်ႁဵင် ၸွႆႈထႅမ်ၵၢၼ်ပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။
မိူဝ်ႈလိူၼ် ဢွၵ်ႇထူဝ်ႊပိူဝ်ႇ ( 14) ဝၼ်း ၶၢဝ်းယၢမ်း ၵၢင်ၼႂ် 07:00 မူင်း တေႃႇထိုင် 16 :00 မူင်း ၼၼ်ႉ ၽၢႆႇၽူႈမီးပုၼ်ႈၽွၼ်း ၽၢႆႇဢုပ်ႉပိူင်ႇ SSPP/SSA ဢၼ် ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(42) ၵုၼ်ႁဵင်ၼၼ်ႉ လႆႈဢွၼ်ႁူဝ် ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ႁူမ်ႈသဵင်ႈ (7 )ၵေႃႉ ၸွႆႈၵႂႃႇၵၢၼ်ႉၶဝ်ႈၵၢပ်ႈ ပၼ် ၸၢႆးဝိလိင်ႇ တႃႉ + ၼၢင်းသိုဝ်ႉ တီႈဝၢၼ်ႈၼႃးလွႆ ဢိူင်ႇၼမ်ႉတွတ်ႇ ၸေႈဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း ၼၼ်ႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း မိူၼ်ၼင်ႇ ၵၢၼ်သူၼ်ႁႆႈ/ၼႃး၊ ၵၢၼ်တွၼ်ႈလိၼ်ၶိုၼ်ႈယႂ်ႇ ၊ ၵၢၼ်ပူၵ်းပွင်ပၼ် လွင်ႈၵၢၼ်ပၢႆးပၺ်ႇၺႃႇ၊ ၵၢၼ်သသႃႇၼႃႇ ၊ ၵၢၼ်ပၢႆးယူႇလီ၊ ၽၢႆႇႁူမ်ႈလူမ်ႈ ၸဵမ်ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်သိုၵ်း၊ ၵၢၼ်မိူင်း ၊ ၵၢၼ်သိုၵ်း ၵူႈၽၢႆႇၽၢႆႇ ဢၼ်ပဵၼ်ဢၼ်မီးယူႇၼႂ်းပိုၼ်ႉတီႈပၼ်သေ တေသိုပ်ႇၶတ်းၸႂ် ၵႂႃႇယူႇယဝ်ႉ။
