ယူႇတီႈ တပ်ႉငဝ်ႈသိုၵ်း 798 ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်သေ ၸတ်းႁဵတ်းပၢင်ၵႅဝ်ႈၵိုတ်းလိုဝ်ႈ ပၢင်သွၼ်ငဝ်ႈၶၢမ်ႇပိုၼ်ႉၵၢၼ်ၶွမ်း လႄႈ ၵၢၼ်လုမ်း ၸုပ်ႈ (2) ၼႂ်းပီႊ( 2024)ၼီႊ ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။
လိူၼ်ဢွၵ်ႇထူဝ်ႊပိူဝ်ႊ (12 ) ဝၼ်း ၶၢဝ်းယၢမ်း ၵၢင်ၼႂ် 08:00 မူင်း ၼၼ်ႉ ယူႇတီႈ တပ်ႉငဝ်ႈသိုၵ်း 798 ၽၢႆႇတႂ်ႈၵုမ်းၵမ် ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ် ၸတ်းႁဵတ်းပၢင်ၵႅဝ်ႈၵိုတ်းလိုဝ်ႈ ပၢင်သွၼ်ငဝ်ႈၶၢမ်ႇပိုၼ်ႉၵၢၼ်ၶွမ်း လႄႈ ၵၢၼ်လုမ်း ၸုပ်ႈထီႉ (2) သေ ၼႂ်းပၢင်ၵႅဝ်ႈၼၼ်ႉ မီးၽူႈယႂ်ႇၵူၼ်းလူင် ၊ ၶူးပူင်သွၼ်၊ လုၵ်ႈႁဵၼ်းၶိုၼ်ႈႁွတ်ႈ မီး (38 ) ၵေႃႉ ၼႆယူႇယဝ်ႉ။
တီႈပၢင်ၵႅဝ်ႈၼၼ်ႉ ၽူႈယႂ်ႇၵူၼ်းလူင် ၸဝ်ႈၼိုင်ႈ မွၵ်ႇလၢတ်ႈၶေႃႈၵႂၢမ်းပိုတ်ႇ ၽုၺ်ႇပၢင်ၵႅဝ်ႈ ၵိုတ်း လိုဝ်ႈပၢင်သွၼ်ဝႃႈ မုင်ႈမွင်းတေမေႃၸႂ်ႉတိုဝ်း လၢႆးၵၢၼ်လုမ်း လွင်ႈႁဵတ်းသဵၼ်ႈသၢႆမၢႆ ၊ ႁဵတ်းလိၵ်ႈလၢႆးငၢၼ်း ၼႂ်းႁွင်ႈၵၢၼ် /တပ်ႉ ၵႂႃႇၽႂ်မၼ်းယူႇ၊ လိူဝ်ၼၼ်ႉမွၵ်ႈလၢတ်ႈပၼ်ႁႅင်းပၼ်ႁႅင်းသူင်ႇသင်ႇလုၵ်ႈႁဵၼ်းသေ ယိုၼ်ႈမွပ်ႈပၼ်သူး ၵတ်ႉၶႅၼ်ႇ လုၵ်ႈႁဵၼ်း လႄႈ ပၼ်သူးၼမ်ႉၸႂ် ၶူးပူင်သွၼ် ၊ ယူႇတီႈလုၵ်ႈႁဵၼ်းတၢင်ႇတူဝ် မွၵ်ႈလၢတ်ႈ ၶေႃႈ ၵႂၢမ်းယိၼ်းၸူမ်းၶွပ်ႈၸႂ် ဢၼ်လႆႈၶတ်းၸႂ်ပွင်ပဵၼ်မႃးပၼ် ပၢင်သွၼ်ၵၢၼ်လုမ်းၼႆႉသေ ၊ ၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈၵိုတ်းလိုဝ်ႈ ဢွင်ႇမၢၼ်ယဝ်ႉ တူဝ်ႈၵႂႃႇလီငၢမ်း ၼႆယူႇယဝ်ႉ။
ပၢင်သွၼ် ငဝ်ႈၶၢမ်ႇပိုၼ်ႉ ၵၢၼ်ၶွမ်း လႄႈ ၵၢၼ်လုမ်း ၸုပ်ႈ( 2 ) ၼႆႉ တႄႇၸတ်းႁဵတ်း ၼႂ်းလိူၼ် September တေႃႇထိုင် လိူၼ်October ၶၢဝ်းတၢင်း ( 1 ) လိူၼ်ပၢႆ ၼႆယူႇယဝ်ႉ။
