မူရင်းတပ်ဖွဲ့ထံ တာဝန်ထမ်းဆောင်ရန် ပြန်လည် ရောက်ရှိလာကြသည့် စိန်ကျော့ဌာနေ ပြည်သူ့စစ်များအား ဝမ်းမြောက်ကြိုဆိုသည့် အခမ်းအနားတစ်ခုကို ယနေ့ စက်တင်ဘာလ ၅ ရက် နံနက်ပိုင်းအချိန်၌ ရှမ်းပြည် တိုး တက်ရေး ပါတီ၊ ရှမ်းပြည်တပ်မတော် SSPP/SSA မှ ဦး ဆောင်ပြီး ဝမ်ဟိုင်း ဌာနချုပ်တွင် ကျင်းပပြုလုပ် ခဲ့ပါ သည်။
အခမ်းအနားမှာ SSPP/SSA နာယက(၁) ဗိုလ်ချုပ်ကြီး ဆေထင် မှ အခမ်းအနားအဖွင့်အမှာစကားပြောကြား ပြီး ၊ ဆင်ကျော့ပြည်သူ့စစ် ဉက္ကဌ ဗိုန်ချုပ်ကြီး လွယ်မောဝ်းမှ ယခင် ၂၀၁၀ ခုနှစ်အချိန် တွင် အခြေအနေအ မျိုးမျိုးကြောင့် SSA တပ်မဟာ (၃) မှ စိန်ကျော့ ပြည်သူ့စစ်အ ဖြစ် ပြောင်းလဲရခြင်း အကြောင်း ၊ လက်ရှိအ ချိန်မှစ၍ စိန်ကျော့ ဌာနေ ပြည်သူ့စစ်မှ ရှမ်းပြည်တိုးတက်ရေးပါတီ ၊ ရှမ်းပြည်တပ်မ တော်အဖြစ် သတ်မှတ် အတည် ပြုလိုက်ပြီဖြစ်ကြောင်း ပြောကြား သွားခဲ့သည်။
မူရင်းတပ်ဖွဲ့ထံ တာဝန်ထန်းဆောင်ရန် ပြန်လည် ရောက်ရှိလာကြသည့် စိန်ကျော့ ဌာနေပြည်သူ့စစ် တပ်ဖွဲ့ဝင်များကို SSPP/SSA မှ ဆုတော်ငွေ ကျပ်သိန်း ၄၀၀ ကျော် ချီးမြင့်ပေးအပ်ခဲ့ပါသည်။
စိန်ကျော့ ဌာနေပြည်သူ့စစ်တပ်ဖွဲ့သည် ၂၀၁၀ ခုနှစ်တွင် စစ်ကောင်စီ၏ ဖိအားပေးမူကြောင့် မလွဲမရှောင်တာ ရှမ်းပြည်တပ်မတော် SSA မှ စစ်တပ်လက်အောက်ခံ စိန်ကျော့ ဌာနေပြည်သူ့စစ်အဖြစ် အသွင် ပြောင်းခဲ့ရသည့် တော်လှန်ရေးတပ်ဖွဲ့ ဖြစ်သည်။
