ၽူႈမီးပုၼ်ႈၽွၼ်း ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၶဝ်ႈၵူတ်ႇလၢင်ႉ ၽဵဝ်ႈမူၺ်ႉပႅတ်ႈ ၵၢတ်ႇသိုဝ်ႉၶၢႆ ယႃႈမဝ်းၵမ် တီႈၼိုင်ႈ ၼႂ်းၸေႈဝဵင်းၵူတ်ႉၶၢႆ ၸိုင်ႈတႆး ပွတ်းႁွင်ႇ။
ၼႂ်းလိူၼ်ဢေႃးၵတ်ႉသ် ပီႊ 2024 ၼႆႉ ယူႇတီႈ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်း ၼႂ်းၼႃႈတီႈ ဢုပ်ႉပိူင်ႇၸေႈဝဵင်းမၢႆ(41) ၼၼ်ႉ ဢွၼ်ႁူဝ် ၵေႃႉသိုၵ်း ၵေႃႉ ႁၢၼ် ႁႅင်းၵူၼ်း (20) ၵေႃႉပၢႆ ၶဝ်ႈၵူတ်ႇလၢင်ႉ ၵၢတ်ႇယႃႈမဝ်းၵမ် တီႈၼိုင်ႈ ဢၼ်မီးၼႂ်းဢိူင်ႇ မိူင်းၸီး ၸေႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၼၼ်ႉ သေ တီႉၺွပ်းလႆႈ ၵူၼ်းၵဵဝ်ႇၶွင်ႈ ၵၢၼ် သူႇ ၊ သမ်း ၊ သိုဝ်ႉ ၊ ၶၢႆ ယႃႈမဝ်းၵမ် (37) ၵေႃႉ ဢိၵ်ႇပႃး ယႃႈမ ၊ ယႃႈၽႅၼ်ႇၽိူၵ်ႇ လႄႈ ၶိူင်ႈၶူဝ်း ၵဵဝ်ႇၶွင်ႈ ယႃႈမဝ်းၵမ် တင်းၼမ် ယူႇယဝ်ႉ။
ၵူၼ်းၸိူဝ်း ၵဵဝ်ႇၶွင်ႈယႃႈမဝ်းၵမ် ၼႆႉ ပဵၼ်ၵူၼ်း ဢၼ်ယူႇသဝ်း ၼႂ်းဢိူင်ႇမိူင်းထၢမ် ၸေႈဝဵင်းၵူၼ်ႉၶၢႆ (9) ၵေႃႉ ၊ ၼႂ်းဢိူင်ႇ မိူင်းၸီး ၸေႈဝဵင်းၵူၼ်ႉၶၢႆ (28) ၵေႃႉ ႁူမ်ႈသဵင်ႈ (37) ၵေႃႉ ယူႇယဝ်ႉ။
မိူၼ်ၼင်ႇ ၸိူဝ်းပဵၼ်ၵူၼ်း သူႇ ၊ သမ်း ယႃႈၼၼ်ႉ တေသိုပ်ႇဢဝ်မူၼ်ႉမႄး တူဝ်ၸႂ်ၵႂႃႇသေ ၸိူဝ်းပဵၼ် ၵူၼ်း ၵႃႉၶၢႆယႃႈမဝ်းၵမ် ၼၼ်ႉ တေဢဝ်ၶိုၼ်ႈလုမ်းတြႃး တႅပ်းတတ်းပၼ် တူတ်ႈတမ်ႇၵႂႃႇ ၸွမ်းၼင်ႇ မူႇပိူင် ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA မီးၼၼ်ႉ ယူႇယဝ်ႉ။
ၼင်ႇႁိုဝ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ပေႃးတေ ၵၢင်းယၢၼ်ၽေး ယႃႈမဝ်းၵမ် ၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA တေသိုပ်ႇ ႁူမ်ႈမိုဝ်းၵၼ်တင်း ပေႃႈမႄႈ ၵူၼ်းမိူင်းသေ တေၶတ်းၸႂ် ၵႅတ်ႇၶႄ ၽဵဝ်ႈမူၺ်ႉၵႂႃႇ ထႅင်ႈယူႇယဝ်ႉ။
#shanstateprogressparty
#shanstatearmy
#ၽဵဝ်ႈမူၺ်ႉယႃႈမဝ်းၵမ်
#ေေၸေႈဝဵင်းၵူတ်ႉၶၢႆ
