ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ဢဝ်ႁူမ်ႇလူမ်ႈပၼ် ၵူၼ်းထူပ်းၽေးသိုၵ်း ၼႂ်း ၸေႈဝဵင်းလႃႈသဵဝ်ႈ သေ ႁပ်ႉတေႃႉသူင်ႇထိုင် ၼႂ်းၸေႈဝဵင်းမိူင်းယႆ ဢွင်ႈတီႈဢၼ် လွတ်ႈၽေးၼၼ်ႉ ယူႇယဝ်ႉ။

တင်ႈတေႇဢဝ် လိူၼ်ဢေႃးၵတ်ႉသ် ၊ ဝၼ်းထီႉ 6 တေႃႇထိုင် ဝၼ်းထီႉ 7 ၶၢဝ်းတၢင်းသွင်ဝၼ်းၼၼ်ႉ သၢႆသိုၵ်း SSPP/SSA ဢၼ် တူင်ႉၼိုင်ဝႆႉ ၼႂ်းၸေႈဝဵင်းမိူင်းယႆ ၊ လႆႈ ၵႂႃႇၸွႆႈထႅမ် ပႂ်ႉႁပ်ႉဢဝ် ၵူၼ်းထူပ်းၽေးပၢင်တိုၵ်း ၼႂ်း ၸေႈဝဵင်းလႃႈသဵဝ်ႈ (700) ၵေႃႉပၢႆ သေ တေႃႉသူင်ႇထိုင် ၼႂ်းၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇ ဢွင်ႈတီႈဢၼ်လွတ်ႈၽေးၼၼ်ႉ ယူႇယဝ်ႉ။

ၵူၼ်း(700) ၵေႃႉပၢႆ ၼႆႉ မိူဝ်ႈၽွင်းပၢင်တိုၵ်း တိုၵ်ႉႁၢဝ်ႈႁႅင်း ၼႂ်းဝဵင်းလႃႈသဵဝ်ႈ ၼၼ်ႉ ဢမ်ႇၸၢင်ႈၶၢႆႉပၢႆႈဢွၵ်ႇ ၵိုတ်းၶမ်ဝႆႉၼႂ်းၵႄႈပၢင်တိုၵ်း သေ ဝၢႆးပၢင်တိုၵ်းယဵၼ် ၵႂႃႇ ၸူဝ်ႈၶၢဝ်း ယူႇတီႈတပ်ႉသိုၵ်း ၵဝ်ႈၵၢင်ႉ (MNDAA) တင်း SSPP/SSA လႆႈတူၵ်းလူင်းၵၼ် တႃႇၸွႆႈထႅမ်ဢွၵ်ႇမႃးလႄႈ တပ်ႉသိုၵ်း SSPP/SSA လႆႈဢဝ်ႁူမ်ႇလူမ်ႈ ၸွႆႈတေႃႉဢွၵ်ႇထိုင် တီႈဝဵင်းမိူင်းယႆ ဢွင်ႈတီႈဢၼ် လွတ်ႈ ၽေး ၼၼ်ႉယူႇယဝ်ႉ။

လိူဝ်သေၼၼ်ႉ တေႃႇထိုင် မိူဝ်ႈၼႆႉ လိူၼ် ဢေႃးၵတ်ႉသ်၊ ဝၼ်းထီႉ 8 ၵေႃႈ ၵူၼ်းၸိူဝ်းဢၼ်တေ ၶၢႆႉဢွၵ်ႇ ၼႂ်းဝဵင်းလႃႈသဵဝ်ႈ တိုၵ်ႉၵိုတ်းထႅင်ႈတင်းၼမ် လႄႈ တိုၵ်ႉသိုပ်ႇ ၸွႆႈထႅမ် တေႃႉသူင်ႇ ဢွၵ်ႇပၼ် ႁႂ်ႈၽႅဝ် ဢွင်ႈ တီႈလွတ်ႈ ၽေးယူႇယဝ်ႉ။#shanstateprogressparty

#shanstatearmy

#SSPP #ၸွႆႈထႅမ်ၵူၼ်းပၢႆႈၽေး

#SSPPInfo