ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ဢၼ်ပဵၼ် ၵေႃႇမတီႇဢုပ်ႉပိူင်ႇ ၼႃႈလိၼ်သိုၵ်း တပ်ႉငဝ်ႈသိုၵ်း 798 ၸွႆႈထႅမ်ၵူၼ်းပၢႆႈၽေးပၢင်တိုၵ်း ဢၼ်ႁွတ်ႈ ၽႅဝ်ဝႆႉ ၼႂ်းၸေႈဝဵင်း ၵေးသီး ၸိုင်ႈတႆးပွတ်း ၸၢၼ်း ၼၼ်ႉ ယူႇယဝ်ႉ။

မိူဝ်ႈလိူၼ်ဢေႃးၵတ်ႉသ် 6 ဝၼ်းၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၵူႈၸၼ်ႉၸၼ်ႉ ၼႂ်းၼႃႈတီႈ ဢုပ်ႉပိူင်ႇ ၸေႈတွၼ်ႈမၢႆ(15) ၊ ၼႃႈလိၼ်သိုၵ်း တပ်ႉငဝ်ႈသိုၵ်း 798 လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းဢၼ်လုၵ်ႉတၢင်း ၸေႈဝဵင်းလႃႈသဵဝ်ႈ သေ ပၢႆႈၽေးပၢင်တိုၵ်း မႃးသွၼ်ႈသဝ်း ယူႇဝႆႉတီႈ ဝတ်ႉၵျွင်းၶမ်း ၊ ၵျွင်းၵမ်ႇမထၢၼ်း ၊ ၵျွင်းႁေႃ ၊ ၵျွင်းၶရိတ်ႉယၢၼ်ႇ ၊ ပွၵ်ႉၵၢတ်ႇ ၊ ပွၵ်ႉၵုင်းႁေႃ ၊ ပွၵ်ႉၵၢင်ပၢင်ႇ ၊ ပွၵ်ႉလူင်ပူႉ ၊ ပွၵ်ႉဝၢၼ်ႈၵၢင် ၼႂ်းၸေႈဝဵင်းၵေးသီး ၸဵမ်ၸိူဝ်းၼႆႉလႄႈ လႆႈၸွႆႈထႅမ်ပၼ် လွင်ႈၵိၼ်ယႅမ်ႉ ၼမ်ႉမၼ်း (7) ပုင်း ၊ ထူဝ်ႇလိူင်(1) ထူင်လူင် ၊ မၢၵ်ႇၶိူဝ်သူမ်ႈ (1) ထူင်လူင် ၊ ၽၵ်းမီႇ ႁူဝ် လႅင် (1) ထူင်ႇလူင် ၊ ၵိူဝ်(1) ထူင်လူင် ၊ ၽွင်ဝၢၼ် (1) ထူင်လူင် ၊ ၶဝ်ႈသၢၼ် (10) ထူင် ၊ ငိုၼ်း 1,300,000 ၵျၢပ်ႈ ၸဵမ်ၸိူဝ်းၼႆႉ ယူႇယဝ်ႉ။ဢၼ်လႆႈၸွႆႈထႅမ်ၵႂႃႇ တၢင်းသဵင်ႈၼၼ်ႉ တူၵ်းမႅၼ်ႈသၢင်ႉငိုၼ်း (3,000,000) သၢမ်သိပ်းသႅၼ်ၵျၢပ်ႈ ယူႇယဝ်ႉ။

ၵူၼ်းပၢႆႈၽေး ဢၼ်ႁွတ်ႈၽႅဝ်ဝႆႉၼႂ်းၼႃႈတီႈ ဢုပ်ႉပိူင်ႇ SSPP/SSA ၵူႈၼႃႈတီႈ ၼၼ်ႉ တေႃႇထိုင် လိူၼ် ဢေႃးၵတ်ႉသ် 9 ဝၼ်း ၼႆႉ ႁူမ်ႈသဵင်ႈမီး (14,681) ၵေႃႉ လႄႈ ယူႇတီႈ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်း ၸိုင်ႈ တႆး SSPP/SSA လႆႈႁပ်ႉၸွႆႈထႅမ်တူၺ်းထိုင်ပၼ် ဢွင်ႈတီႈယူႇသဝ်း ၊ လွင်ႈၵိၼ်ယႅမ်ႉ လွင်ႈႁူမ်ႇလူမ်ႈ ၸဵမ် ၸိူဝ်း ၼႆႉ ယူႇယဝ်ႉ။#shanstateprogressparty

#shanstatearmy

#SSPPInfo

#ၸွႆႈထႅမ်ၵူၼ်းပၢႆႈၽေး

#ၸေႈဝဵင်းၵေးသီး