မိူင်းၶႄႇယိုၼ်လိၵ်ႈ တိုၵ်းသူၼ်း ပၼ်ၾၢင်ႉထိုင်တီႈ တပ်ႉသိုၵ်းတဢၢင်း TNLA ဝႃႈ – ႁႂ်ႈၵိုတ်းပင်တိုၵ်း ၼႂ်း မိူင်းတႆး ပွတ်းႁွင်ႇၵမ်းလဵဝ် ၊ ပေႃးဢမ်ႇၵိုတ်း တေဢဝ်လိူင်ႈတၢင်း ၽိတ်းၵႂႃႇၵမ်းလဵဝ် ၼႆယူႇယဝ်ႉ။

ၵေႃႇမတီႇ ၾၢႆႇႁူမ်ႇလူမ်ႈ ဝဵင်းသူၺ်ႇလီ သူင်ႇလိၵ်ႈထိုင် TNLA ဝႃႈ – လၢႆးဢၼ်တေၸၢင်ႈတုမ်ႉတိူဝ်ႉ ပဵၼ် ၽေး ႁၢႆႉၸႃႉတေႃႇ ၵူၼ်းၶိူဝ်းၶႄႇ ဢၼ်ယူႇၸွမ်း လႅၼ်လိၼ် ၵူႈတီႈတီႈၼၼ်ႉ ႁႂ်ႈၵိုတ်းယိုတ်းၵူႈလွင်ႈလွင်ႈ ေသ ႁႂ်ႈၶဝ်ႈ ႁူမ်ႈမိုဝ်း ႁဵတ်းသၢင်ႈၸွမ်း မိူင်းၶႄႇၵႂႃႇ ဝႃႈၼႆ။

ၼႂ်းၽိုၼ်လိၵ်ႈ ၾၢႆႇၽႃႇသႃႇၶႄႇၼၼ်ႉ တႅမ်ႈဝႆႉဝႃႈ ယၢမ်းလဵဝ် တပ်ႉသိုၵ်းၶႄႇ ဢၼ်တိုၵ်ႉၽိုၵ်းလိုမ်ႉ ၵၢၼ် သိုၵ်း ၶၢဝ်းတၢင်း(3) ဝၼ်း ၸွမ်းလႅၼ်လိၼ်ၼၼ်ႉၵေႃႈ ၸမ်ယဝ်ႉတူဝ်ႈ ယဝ်ႉလႄႈ မုင်ႈမွင်းပႃးဝႃႈ တပ်ႉသိုၵ်း တဢၢင်း TNLA ၵေႃႈ တေၵိုတ်းပၢင်တိုၵ်းၵမ်းလဵဝ်ယူႇ ဝႃႈၼႆ။

တွၼ်ႈတႃႇ ႁႂ်ႈ လႅၼ်လိၼ်တိတ်းၸပ်း မိူင်းမၢၼ်ႈ – ၶႄႇ တေမီးလွင်ႈၼိမ်သဝ်း ၵတ်းယဵၼ် ၊ တႃႇၵူၼ်း ၸၢဝ်း ၶိူဝ်းမိူင်းၶႄႇ ဢၼ်ယူႇသဝ်းၸွမ်းလႅၼ်လိၼ် လႄႈ ၽူႈႁၢပ်ႇ ၵၢၼ်ၶႄႇ ဢိၵ်ႇပႃး ၽႅၼ်ၵၢၼ်ပၢႆးမၢၵ်ႈမီး ၶႄႇ ဢၼ်မီးဝႆႉၼႂ်းမိူင်းႁူမ်ႈတုမ် တေမီးလွင်ႈႁူမ်ႈလူမ်ႈၼၼ်ႉ ႁႂ်ႈႁူမ်ႈႁွမ်းၸွမ်း မိူင်းၶႄႇသေ ႁဵတ်းသၢင်ႈ ၵႂႃႇ တႅမ်ႈပႃးဝႆႉၸိူင်ႉၼၼ် ယူႇယဝ်ႉ။

ၵဵဝ်ႇလူၺ်ႈလွင်ႈဢၼ် မိူင်းၶႄႇ ယိုၼ်ႈလိၵ်ႈထိုင် ၼၼ်ႉသေ ၾၢႆႇတၢင်း တပ်ႉသိုၵ်းတဢၢင်း TNLA တေႉ ပႆႇ လႆႈ ႁၼ် တုမ်ႉတွပ်ႇၶိုၼ်း ၸိူင်ႉႁိုဝ်။တႃႇတေ ၵႅတ်ႇၶႄႇႁူမ်ႇလူမ်ႈ မိူင်းၶႄႇ – မိူင်းႁူမ်ႈတုမ်မၢၼ်ႈ ႁႂ်ႈမီးလွင်ႈ ၼိမ်သဝ်း ၵတ်းယဵၼ် လႄႈ တႃႇႁူမ်ႇ လူမ်ႈ ၽႅၼ်ၵၢၼ်ပၢႆးမၢၵ်ႇမီးၶႄႇၼႆသေ မိူဝ်ႈပူၼ်ႉမႃး ၼိုင်ႈဝူင်ႈၼၼ်ႉ ၽွင်းလူင်ၾၢႆႇၼွၵ်ႈမိူင်း မိူင်းၶႄႇ ဝၢင်ႇ ယီႉ လႄႈ ၽူႈဢွၼ်ႁူဝ် ၶွင်ႇသီႇသိုၵ်းမၢၼ်ႈ ၶဝ် လႆႈႁူပ်ႉထူပ်းဢုပ်ႇဢူဝ်းၵၼ်မႃးယူႇယဝ်ႉ။

#shanstateprogressparty

#shanstatearmy #SSPPInfo

#မိူင်းၶႄႇ

#TNLA