ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ဢၼ်တူင်ႉၼိုင် ပၵ်းသဝ်းဝႆႉ ၼႂ်း ၸေႈဝဵင်းမၢႆ(32) ဢိူင်ႇၼမ်ႉဢုမ်ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈလိူၼ်ၵျူႇလၢႆ 25 ဝၼ်း ၼၼ်ႉ ၵေႃႉသိုၵ်းၵေႃႇႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ႁႅင်းၵူၼ်းသိုၵ်း (6) ၵေႃႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈထူၺ်ႈၵႃႈ ၊ ႁၢပ်ႇၵႃႈပၼ် ၸၢႆးသၢၼ်းၼၢႆႇ ဝၢၼ်ႈၼမ်ႉဢုမ် ဢိူင်ႇ ၼမ်ႉ ဢုမ် ၸေႈဝဵင်းမၢႆ(32) မူႇၸေႈ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း မိူၼ်ၼင်ႇ ၵၢၼ်သူၼ်ႁႆႈၼႃး ၊ ၵၢၼ်တွၼ်ႈလိၼ်ၶိုၼ်ႈယႂ်ႇ ၊ ၵၢၼ် ပူၵ်းပွင်ပၼ် လွင်ႈပၢႆးပၺ်ႇၺႃႇ ၊ ပၢႆးသသႃႇၼႃႇ ၊ ပၢႆးယူႇလီ ၊ ၾၢႆႇႁူမ်ႇလူမ်ႈ ၸဵမ်ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်မိူင်း ၵၢၼ်သိုၵ်း ဢၼ်ပဵၼ်မီးယူႇသေ တေသိုပ်ႇၶတ်းၸႂ် ၶိုၼ်ႈၼႃႈႁဵတ်းသၢင်ႈၵႂႃႇ ၵမ်းၶၵ်ႉၶၷ်ႉ ယူႇယဝ်ႉ။
