ရှမ်းပြည်မြောက်ပိုင်း၌ ဖြစ်ပွားနေသည့် တိုက်ပွဲများကြောင့် သီပေါမြို့နယ်သို့ ထွက်ပြေးလာသော စစ်ဘေးရှောင် ပြည်သူများ အတွက် ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA မှ ဇူလိုင်လ ၁၇ ရက်နေ့တွင် ငွေကျပ် ၁၀၅ သိန်း အပါအဝင် စားနပ်ရိက္ခာများကိုကူညီ ထောက်ပံ့ပေးခဲ့သည်။
စစ်ကာင်စီနှင့် ညီနောင် မဟာမိတ် ဖြစ်သည့် TNLA ၊ MNDDA တို့ကြား ဖြစ်ပေါ်နေသည့် တိုက်ပွဲများကြောင့် သီပေါမြို့နယ်အတွင်းရှိ နမ့်လန်မြို့နှင့် မိုင်းခေးကျေးရွာ ဘုန်းကြီးကျောင်းသို့ထွက်ပြေး ရောက်ရှိလာကြသည့် စစ်ဘေးရှောင် ပြည်သူ စုစုပေါင်း (၉၄၄) ဦးမှာ စားနပ် ရိက္ခာ အခက်အခဲများ ကြုံတွေ့နေရ သဖြင့် SSPP/SSA မှ ယခုလို ကူညီပေးခဲ့ခြင်း ဖြစ် သည်။
” နေရပ်ဒေသတွေက ထွက်ပြေးလာကြတာ ဆိုတော့ စားဝတ်နေရေး အခက်အခဲ ရှိလာတာပေါ့။ ဒါကြောင့် အဖွဲ့က ဆန်က (၁၀၅) အိတ်၊ မြေပဲဆီက (၁၁) ပုံးနဲ့ ကြက်ဥ (၁၁) ကပ်ကို သွားပြီးတော့ ကူညီပေးခဲ့တာပါ။ ဒါ့အပြင် စစ်ဘေးရှောင်တွေ အတွက် ငွေကျပ် (၁၀၅) သိန်းကိုလဲ စစ်ဘေးရှောင် ကူညီထောက်ပံ့ရေး ကော်မတီတွေကို ပေး အပ်ခဲ့ပါတယ်” ဟု SSPP/SSA တာဝန်ရှိသူက ပြော သည်။
ညီနောင်မဟာမိတ် ဖြစ်သည့် တအောင်း (ပလောင်) တပ် ဖွဲ့ TNLA နှင့် ကိုးကန့်တပ်ဖွဲ့ MNDDA တို့ အနေဖြင့် စစ်ကောင်စီကို တစ်ဖက်သက် အပစ်ရပ်ဆဲကြောင်း ကြေညာချက် ထုတ်ပြန်ခဲ့သော်လည်း တိုက်ပွဲများ ဆက်လက် ပြင်း ထန်ခဲ့ခြင်းကြောင့် ယနေ့ အချိန်ထိ စစ်ဘေးရှောင် ဒုက္ခသည် စုစုပေါင်း (၃) သောင်းကျော် ရှိလာပြီ ဖြစ် သည်။
#shanstateprogressparty #shanstatearmy
#SSPPInfo
#စစ်ဘေးရှောင်ကူညီ
