ရှမ်းပြည်နယ် မြောက်ပိုင်း သီပေါမြိုနယ်သို့ စစ်ဘေး ဒဏ်ကြောင့် နေရပ်စွန်ခွာထွက်ပြေးလာကြသည့် လားရှိးမြို့နယ် နှင့် မိုင်းရယ်မြိုနယ်က စစ်ဘေးရှောင်ဒေသခံ ပြည်သူများသည် ဆင်ကျော့ဘုန်းကြီးကျောင်းတွင် ရောက်ရှိနေပြီး စားဝတ်နေရေး အတွက် အခက်အခဲရှိနေတာကြောင့် ရှမ်းပြည်တိုးတက်ရေးပါတီ ရှမ်းပြည် တပ် မတော် SSPP/SSA မှ ကျပ် ၂၅ သိန်းကျော် တန်ဖိုးရှိ စားသောက်ကုန် နှင့် လူသုံးကုန် ပစ္စည်းများအား သွား ရောက်ကူညီထောက်ပံ့ပေးခဲ့သည်။
ဆင်ကျော့ကျေးရွာ ဘုန်းကြီးကျောင်းသို့ ရောက်ရှိလာကြသည့် ဒေသခံ စစ်ဘေးရှောင်များသည် အမျိုးသား (၁၆၅) ဦး ၊ အမျိုးသမီး ( ၂၁၇) ဦး နှင့် ကလေးငယ် (၂၅) ဦး စုစုပေါင်း (၄၀၇) ဦး တို့ကို ဆန် (၁၀) အိတ်၊ ဆီ (၁)ဖာ နှင့် ၆ ကပ် ၊ ဆားအိတ်ကြီး (၁) အိတ်နဲ့ ထုပ်ငယ် (၁၀) ထုပ် ၊ အချိုမုန့် ထုပ်ကြီး ( ၈၀) ထုပ် စုစုပေါင်း ပစ္စည်းတန်းဖိုး ၂,၅၆၀,၀၀၀ ကျပ် (နှစ်ဆယ့်ငါးသိန်းခြောက်သောင်း) ကို ပြီးခဲ့သည့် ဇူလိုင်လ ၁၀ ရက်နေ့က စစ်ဘေး ရှောင်ကော်မတီများထံသို့ သွားရောက်ကူညီ ပေးခဲ့ပါသည်။
ရှမ်းမြောက်စစ်ဆင်ရေး ဒုတိယလိုင်း ပဋိက္ခကြောင့် နေ ရပ်စွန့်ခွာ တိမ်းရှောင်လာကြရသည့် လားရှိး၊ သီပေါ၊ နောင်ချို နှင့် မိုးမိတ် မိုးကုတ်မြိုနယ်တို့မှ စုစုပေါင်း စစ်ဘေးရှောင်လူဦးရေသည် ၃ သောင်းကျော်အထိ ရှိ လာကြောင်း သိရှိရသည်။
