ရှမ်းပြည်နယ် တောင်ပိုင်း ဟိုပုံးမြို့နယ် နှင့် ရပ်စောက်မြို့နယ်ထဲက ရှမ်းပြည်တိုးတက်ရေးပါတီ ရှမ်းပြည် တပ်မတော် SSPP/SSA စစ်ကြောင်းကို ရှမ်းပြည်ပြန် လည်ထူထောင်ရေးကောင်စီ RCSS တပ်ဖွဲ့ဝင်တွေက ထပ်မံ မိုင်းဆွဲတိုက်ခိုက်ခဲ့သည်။
ရပ်စောက်မြို့နယ် တောင်ထိပ်ကျေးရွာ(ဝၢၼ်ႈတွင်ႇထိၵ်ႈ) ရဲ့ တောင်ဘက် အရပ်မှာ ပတ်ကင်း လှည့်နေသည့် SSPP/SSA တပ်ဖွဲ့ဝင်တစ်ချို့ကို ပြီးခဲ့သည့် ဇွန်လ ၆ ရက် နံနက် (၉) နာရီအချိန်မှာ RCSS တပ်ဖွဲ့ဝင်တစ်ချို့က မိုင်းဆွဲတိုက်ခိုက် ခဲ့သည်။ မိုင်း(၆)လုံး ဆက်တိုက် ပေါက် ကွဲကာ SSPP/SSA တပ်သား တစ်ဦး မိုင်းစထိပြီး အနည်း ငယ် ဒဏ်ရာရရှိခဲ့သည်။
ဇွန်လ ၄ရက် နံနက် ၅ နာရီကျော် အချိန်တွင်လည်း ဟိုပုံးမြို့နယ် မိုင်းပြင်းကျေးရွာအုပ်စု ကျောက်ငတ် ကျေးရွာအနီးက RCSS ထောင်မိုင်း တစ်လုံး ပေါက်ကွဲခဲ့သည်။
ဇွန်လ ၂ ရက် နံနက် ၆ နာရီအချိန် မှာလဲ ရပ်စောက်မြို့ နယ် ကျိုင်းခမ်းကျေးရွာအုပ်စု လွယ်တန် ကျေးရွာ (ဝၢၼ်ႈလွႆတင်ႈ) နှင့် မက်လန်း ကျေးရွာ (ဝၢၼ်ႈမၢၵ်ႇလၢင်း)ကြား လုပ်ရှား သွားလာသည့် SSPP/SSA စစ်ကြောင်းကို RCSS တပ်ဖွဲ့ဝင်တွေက မိုင်းဆွဲတိုက်ခိုက်ခဲ့ကာ မိုင်းတစ်လုံး ပေါက်ကွဲခဲပြီး မပေါက်ကွဲသေးသည့် လက်လုပ်မိုင်း (၃) လုံးကို SSPP/SSA တပ်ဖွဲဝင်တွေက ဤနေရာတွင်ပင် သိမ်းဆည်း ရမိခဲ့ပါသည်။
ထိုနည်းတူ ဇွန်လ ၁ ရက်နေ့ နံနက် ၆:၃၀ နာရီ အချိန် မှာလဲ ဟိုပုံးမြို့နယ် မိုင်းပျဉ်းကျေးရွာအုပ်စု မိုင်းပျဉ်း ကျေး ရွာအနောက်ဘက် ကျောက်ငတ် ကျေးရွာ (ၵျွၵ်ႉငၢၵ်ႈ) လမ်းခွဲမှာ လုပ်ရှားနေသည့် SSPP/SSA စစ်ကြောင်းကို RCSS က မိုင်းဆွဲတိုက်ခိုက်ခဲ့သည်။
လက်ရှိ ဇွန်လ အစပိုင်းမှာပင် RCSS တပ်ဖွဲ့မှ SSPP/SSA တပ်ဖွဲ့ကို အထက်ဖော်ပြပါအတိုင်း (၄) ကြိမ်တိုင် ထပ်မံ မိုင်းဆွဲတိုက်ခိုက် ခဲ့ပြီဖြစ်ပြီး ၎င်းတိုက်ခိုက်မူကြောင့် SSPP/SSA တပ်သားတစ်ဦး ဒဏ်ရာအနည်းငယ်ရရှိပြီး စစ်ယာဥ်တန်း မော်တော်ယာဥ် တစ်စီးပါ အနည်းငယ် ထိခိုက်ပျက်စီးခဲ့ရသည်။
ဒေသခံပြည်သူများ သတင်းပေးပို့မူကြောင့် မပေါက်ကွဲ သေးသည့် RCSS ထောင်မိုင်း (၂၀) လုံး နီးပါးကိုလဲ SSPP/SSA ဘက်က လိုက်လံရှင်းလင်း သိမ်းဆည်း ရမိ ခဲ့ပါသည်။
ရှမ်းတပ်နှစ်ဖွဲ့ဖြစ်သည့် SSPP နှင့် RCSS သည် နှစ်ဖက်ပေါင်းစည်းနိုင်ရေး အတွက် ပြီးခဲ့သည့် နိုဝင်ဘာလ၊ ၂၉ ရက်၊ ၂၀၂၃ ခုနှစ်မှာ နှစ်ဖက် ပစ်ခတ်တိုက်ခိုက်မူ ရပ်စဲကြောင်း သဘောတူကြေညာစာ ထုတ်ပြန်ပြီး နောက်ပိုင်း ၂၀၂၄ ခုနှစ်အတွင်း မတ်လမှာ (၁) ကြိမ် ၊ မေလမှာ(၆) ကြိမ် ၊ ဇွန်လမှာ(၄) ကြိမ် စုစုပေါင်း (၁၁) ကြိမ်တိုင် RCSS က မိုင်းဆွဲတိုက်ခိုက်နည်း ၊ ခြုံခိုတိုက်ခိုက်နည်းများ အ သုံးပြုပြီး SSPP/SSA တပ်ဖွဲ့အပေါ် ကျူးကျော်တိုက် ခိုက်ခဲ့သည်။
သို့သော် ရှမ်းတပ်နှစ်ဖွဲ့ ပေါင်းစည်းနိုင်ရေးကို ရှေးရူပြီး SSPP/SSA တပ်ဖွဲ့မှ လက်ရှိအချိန်ထိ RCSS တပ်ဖွဲ့အ ပေါ် တုံ့ပြန်တိုက်ခိုက်ခြင်း ၊ ထိုးစစ်ဆင် တိုက်ခိုက်ခြင်းများ တစ်ကြိမ်တစ်ခါမျှ မပြုလုပ်ရသေးပဲ RCSS ကသာ SSPP/SSA စစ်ကြောင်းတွေကို လိုက်လံ တိုက်ခိုက်နေတာ ဖြစ်သည်။
