ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA အား ကိုယ်စားပြုသည့် SSPPInfo Facebook စာ မျက်နှာကို ထိုးနှက်တိုက်ခိုက်ရန် ရည်ရွယ်ချက်ဖြင့် မသမာသူတစုက Facebook စာမျက်နှာ အတု ဖန်တီး ပြုလုပ်ခဲ့ကြောင်း အထူးသတိပေး အကြောင်းကြားအပ်ပါသည်။
Followers 158 K ရှိသည့် မိမိတို့ SSPPInfo Facebook စာမျက်နှာ အစစ်ကို ၂၀၁၅ ခုနှစ် ဇူလိုင် ၁၆ ရက်နေ့က စတင်ထူထောင်ခဲ့ခြင်း ဖြစ်ပြီး ယခု အချိန်ထိ အဆိုပါ Facebook စာမျက်နှာ တခုထဲမှသာ SSPP/SSA နှင့် ပတ် သက်သည့် သတင်းများ၊ ထုတ်ပြန် ကြေညာချက်များကို ရေးသားဖော်ပြနေပါသည်။
ယခု ရက်ပိုင်း အတွင်း SSPP/SSA အပေါ် မိဘပြည်သူ များ ထင်ယောင်ထင်မှားဖြစ်စေရန်နှင့် သတင်းအချက် အလက်များကို လွဲမှားသိစေရန် ရည်ရွယ်ပြီး SSPPinfo Facebook စာမျက်နှာနှင့် ပုံစံတူ စာမျက်နှာ တခုကို မသမာသူ ရန်သူက ဖန်တီးပြုလုပ်ခဲ့ကြောင်း တွေ့ရှိရပါသည်။ SSPPInfo Facebook စာမျက်နှာ အတုသည် 71 Likesနှင့် 225 Followers သာရှိပြီး ၎င်းစာမျက်နှာတွင် SSPP/SSA (ဗမာ ဘာသာ သတင်းထုတ်ပြန်ရေး) ဟု ရေးသား ဖော်ပြထားပါသည်။
အဆိုပါ Facebook စာမျက်နှာ အတုသည် မိမိတို့ SSPPinfo Facebook စာမျက်နှာမှ ရေးသားခဲ့သော သ တင်းများကို ယခုနှစ် မေလ ၈ ရက်နေ့မှ စတင်ကာ ပြန်လည်ကူးယူ ဖော်ပြခဲ့ကြပြီး လူမျိုးရေး ပဋိပက္ခ ဖြစ်စေမည့် လုပ်ကြံဖန်တီးထားသည့် သတင်းများကိုလည်း အခါအားလျော်စွာ ထည့်သွင်းရေးသားနေကြောင်း စစ် ဆေး တွေ့ရှိရပါသည်။
သတင်းဌာန အချို့မှလည်း အဆိုပါ Facebook စာမျက် နှာ အတုမှ ရေးသားသည့် သတင်းများကို စစ်ဆေးမှု မရှိပဲ ပြန်လည်ကူးယူ ဖော်ပြခြင်း၊ ကိုးကားဖော်ပြခြင်းများ ပြုလုပ်နေသည်ကို တွေ့ရပါသည်။ ယင်းကဲ့သို့ ဖော်ပြခဲ့သည့် သတင်းမှန်သမျှသည် SSPP/SSA နှင့် လုံးဝ မသက် ဆိုင်ကြောင်း SSPPinfo မှ မိဘပြည်သူများနှင့် သ တင်းဌာနများအားလုံးကို အသိပေး အကြောင်းကြားပါ သည်။
SSPPinfo Facebook စာမျက်နှာ အတုမှ ကူးယူ ကိုးကား ဖော်ပြရေးသားခဲ့ကြသည့် သတင်းဌာနများ အနေဖြင့် လည်း မှားယွင်းစွာ ဖော်ပြမိကြောင်းကို စာနယ်ဇင်း ကျင့်ဝတ်နှင့် အညီ တာဝန်ခံမှုဖြင့် စာဖတ်ပရိသတ်ကို ချက်ခြင်းလက်ငင်း အသိပေး အကြောင်းကြားရန် လိုအပ်သလို သတင်းစာမျက်နှာပေါ်မှလည်း ပြန်လည် ဖြုတ်ချပေးရန် တာဝန်ရှိကြောင်း SSPP/SSA က အသိပေး တောင်းဆိုပါသည်။
SSPPInfo အမည်တူ Facebook စာမျက်နှာ နှစ်ခုကို အ စစ်နှင့် အတုခွဲခြားနိုင်ရန် အောက်တွေ ပုံနှင့်တကွ ဖော်ပြထားပါသည်။
