ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(35) လွၵ်ႉၸွၵ်ႇ ၸေႈတွၼ်ႈမၢႆ (15) ၼၼ်ႉ လူႇတၢၼ်း ၸွႆႈထႅမ်ငိုၼ်း တႃႇၵေႃႇသၢင်ႈ ၵျွင်းမႂ်ႇ ၼႆယူႇယဝ်ႉ။

မိူဝ်ႈလိူၼ် မေႇ 2 ဝၼ်း ယၢမ်းၵၢင်ၼႂ် 08:59 မူင်းၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်းမၢႆ( 35) လွၵ်ႉၸွၵ်ႇ ၸေႈတွၼ်ႈမၢႆ (15) ၼၼ်ႉ တၢင်တူဝ်ၽူႈၸတ်းၵၢၼ် ၸေႈဝဵင်း လႆႈၵႂႃႇလူႇတၢၼ်း ၸွႆႈထႅမ်ငိုၼ်း ( 5,000,000) ႁႃႈသိပ်းသႅၼ်ၵျၢပ်ႈ တႃႇၵေႃႇသၢင်ႈၵျွင်းမႂ်ႇ တီႈဝတ်ႉၵျွင်း ဝၢၼ်ႈငႄႉၸႅၼ်ႇ ဢိူင်ႇၼွင်ဝူဝ်း ၸေႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း ၼႆယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇ၊ ၵၢၼ်သႃႇသၼႃႇ ၊ ၵၢၼ်ႁႃၵိၼ်လဵင်ႉတွင်ႉ ၊ ၵၢၼ်ႁူမ်ႇလူမ်ႈပေႃႈမႄး ၵူၼ်းမိူင်း ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉ သိုၵ်း ၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။

#shanstateprogressparty

#shanstatearmy

#SSPPInfo

#ၸွႆႈထႅမ်ၵၢၼ်ပေႃႈမႄႈၵူၼ်းမိူင်း