ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA ၏ အုပ်ချုပ်ရေးနယ်မြေအတွင်းရှိ တပ်မှူး၊ ဌာနမှူး အဆင့်ဆင့်နှင့် အုပ်ချုပ်ရေးတာဝန်ခံ အဆင့်ဆင့် အပါ အဝင် မိဘပြည်သူများ အားလုံး သိရှိ လိုက်နာ စေရန် မေ လ ၁၃ ရက်နေ့တွင် SSPP/SSA ကိုယ်စား ဒုဉက္ကဋ္ဌ (၁) ဒု ဗိုလ်ချုပ်ကြီး စဝ်ခေးတိုင်းက ရှမ်းဘာသာဖြင့် အမိန့် ထုတ်ပြန်ခဲ့သည်။
အဆိုပါ အမိန့် ထုတ်ပြန်ချက်ကို သိရှိစေရန် မြန်မာဘာ သာဖြင့် ပြန်လည်ရေးသား ဖော်ပြလိုက်ပါသည်။
(၁) ကျားဖြန့် အွန်လိုင်း ငွေလိမ်ဂိုဏ်းများကို အဖွဲ့လိုက် ဖြစ်စေ၊ တစ်ဦးချင်း ဖြစ်စေ SSPP/SSA ၏ အုပ်ချုပ် ရေး နယ်မြေအတွင်း လုံးဝ (လုံးဝ) နေထိုင်ခွင့်မပြုရန်။
(၂) မိမိတပ်ဖွဲ့ဝင်များနှင့် မိဘပြည်သူများ အနေဖြင့် အမိန့် ထုတ်ပြန်ချက်ကို မလိုက်နာပဲ ကျားဖြန့် အွန်လိုင်း ငွေလိမ်ဂိုဏ်းများကို ခိုလှုံခွင့်ပေးခဲ့ပါက အောက်ဖော်ပြပါ ပြစ်ဒဏ်များ ကျခံရမည်။
(က) ကျားဖြန့် အွန်လိုင်း ငွေလိမ်သူများကို လက်ခံထားပါက အလုပ်ကြမ်းနှင့် ထောင်ဒဏ် ကျခံရမည်။
(ခ) ကျားဖြန့် အွန်လိုင်း ငွေလိမ်သူများအား
ခိုလုံခွင့်ပေးသည့် နေရာကို ပြည်သူပိုင် အဖြစ် သိမ်း ဆည်းမည်။
(ဂ) ကျားဖြန့် အွန်လိုင်း ငွေလိမ်သူများကို ဖမ်းဆီးပြီး တရုတ်ပြည်သူ့ သမ္မတနိုင်ငံ အစိုးရထံ ပြန်လည် လွှဲ ပြောင်း အပ်နှံမည်။
