ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ၸွႆႈၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမၢႆ(24)ၵျွၵ်ႉမႄး ၼႆယူႇယဝ်ႉ။
မိူဝ်ႈလိူၼ် မေႇ 23 ဝၼ်း ၼၼ်ႉ ၵေႃႉသိုၵ်းၵေႃႉႁၢၼ် SSPP/SSA ႁႅင်းၵူၼ်းသိုၵ်း (3) ၵေႃႉ ၸွႆႈထူၺ်ႈထူဝ်ႇ ၼဝ်ႈပၼ် ပႃႈယိင်းဢွၼ်ႇ ဝၢၼ်ႈသူၼ်ဢွႆႈ သေ တႃႇႁႅင်းသိုၵ်း (5) ၵေႃႉသမ်ႉ လႆႈၸွႆႈထႅမ် ၽုၵ်ႇၶဝ်ႈၵၢပ်ႇပၼ် ပႃႈၼၢင်းလူႇ ဝၢၼ်ႈပွၵ်ႉဢၢင်းလူင် ၼႂ်းဢိူင်ႇၼမ်ႉသိမ်ႇ ၸေႈဝဵင်းမၢႆ (24) ၵျွၵ်ႉမႄး ၼႆယူႇယဝ်ႉ။
လိူဝ်သေၼၼ်ႉ မိူဝ်ႈလိူၼ်မေႇ 22 ဝၼ်းၼၼ်ႉၵေႃႈ ၵေႃ့သိုၵ်းၵေႃႉႁၢၼ် SSPP/SSA ႁႅင်းၵူၼ်းသိုၵ်း (5) ၵေႃႉ ၸွႆႈ ဢိတ်ႇထူဝ်ႇၼဝ်ႈပၼ် လုင်းဢွင်ႇမိၼ်ႉ+ပႃႈလႃႉပေႇ ဝၢၼ်ႈသူၼ်ဢွႆႈ ဢိူင်ႇၼမ်ႉသိမ်ႇ ၸေႈဝဵင်းမၢႆ (24) ၵျွၵ်ႉ မႄး ၼႆယူႇယဝ်ႉ။
လွင်ႈၸွႆႈထႅမ်ၵၢၼ် ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်း လၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ တေသိုပ်ႇၶတ်းၸႂ်ၸွႆႈထႅမ်ၵႂႃႇ ယူႇယဝ်ႉ။
