ဢိင်ၼိူဝ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ယွၼ်းတၢင်းၸွႆႈထႅမ်မႃး သေ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆးတပ်ႉ သိုၵ်းၸိုင်ႈတႆး SSPP/SSA လႆႈၸွႆႈထႅမ် ၵေႃႇသၢင်ႇၽၢႆႁိၼ် လႄႈ ႁွင်ႈမိူင် တႃႇၵႅတ်ႇၸႂ်ႉၼမ်ႉၼႃး ပၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းၼွင် ယူႇယဝ်ႉ။

တႃႇပေႃႈမႄႈၵူၼ်းမိူင်းတေလႆႈၸႂ်ႉတိုဝ်းၼမ်ႉၼႃး ၵုမ်ႇထူၼ်ႈလီၼႆသေ မိူဝ်ႈလိူၼ် မၢတ်ႉၶျ် 15 ဝၼ်း (ပီႊတႆး ႒႑႑႘ ၼီႊ လိူၼ်သီႇမႂ်ႇ ႖ ၶမ်ႈ ဝၼ်းသုၵ်း) တေႃႇထိုင် လိူၼ်မၢတ်ႉၶျ် 30 ဝၼ်း ၼၼ်ႉ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈ တႆး SSPP/SSA လႆႈ ၵေႃႇသၢင်ႈၽၢႆႁိၼ် လႄႈ ႁွင်ႈၼမ်ႉ/မိူင် ၸွႆႈပေႃႈမႄႈ ၵူၼ်းမိူင်း ဝၢၼ်ႈၵုင်းၶမ်းလီ ဢိူင်ႇတူ ယႃး ၸေႈဝဵင်းမိူင်း ၼွင် ၸိုင်ႈတႆးပွတ်း ၸၢၼ်း ယူႇယဝ်ႉ။

ႁွင်ႈၼမ်ႉ/မိူင် ဢၼ်လႆႈႁဵတ်းသၢင်ႈယဝ်ႉၵႂႃႇၼႆႉ တၢင်းယၢဝ်းမီး (185) ထတ်း ၊ တၢင်းလိုၵ်ႉမီး (8) ထတ်း ၊ တၢင်း ၵႂၢင်ႈ မီး (5) ထတ်း သေ ၵႃႈၵေႃႇသၢင်ႈတၢင်းသဵင်ႈ တူၵ်းမႅၼ်ႈသၢင်ႉငိုၼ်း (9,310,000) ၵဝ်ႈသိပ်း သၢမ်သႅၼ်ပၢႆၼိုင်ႈမိုၼ်ႇၵျၢပ်ႈလႄႈ ၼႂ်းၼၼ်ႉ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈၸွႆႈထႅမ် တႃႇသၢင်ႉငိုၼ်း (6,310,000) ႁူၵ်းသိပ်းသၢမ်သႅၼ်ပၢႆၼိုင်ႈမိုၼ်ႇၵျႃပ်ႈယူႇယဝ်ႉ။

ငဝ်ႈၶၢမ်ႇပိုၼ်ႉ ၵၢၼ်ႁႃၵိၼ်လဵင်ႉတွင်ႉ ၊ ၵၢၼ်ပၢႆးမၢၵ်ႈမီး ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ဝၢၼ်ႈၵုင်းၶမ်းလီ ၼႆႉ ၵူၺ်းမီး ၵၢၼ်ၽုၵ်ႇသွမ်ႈၶဝ်ႈၼႃး ပဵၼ်ပိူင်လူင် ၊ ယွၼ်ႉပိူဝ်ႈၽၢႆၼမ်ႉ ၊ ႁွင်ႈၼမ်ႉ/မိူင် ဢၼ်ၵဝ်ႇ လႆႈ လူႉ လႅဝ်ၵႂႃႇ မိူဝ်ႈၼႂ်းပီႊ 2023 ၼၼ်ႉသေ ၵူၼ်းဝၢၼ်ႈၵိုင်ႉၵၢင်ႉ မီးလွင်ႈယၢပ်ႇၽိုတ်ႇ တႃႇတေႁဵတ်းၵိၼ်ၵၢၼ် ၶၢဝ်းတၢင်းၼႃႈ လႄႈ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸင်ႇလႆႈၶတ်းၸႂ်ၸွႆႈ ထႅမ်ၵႂႃႇယူႇယဝ်ႉ။

#shanstateprogressparty

#shanstatearmy #SSPPInfo

#ၽၢႆႁိၼ်

#ႁွင်ႈမိူင်

#ၸွႆႈပေႃႈမႄႈၵူၼ်းမိူင်းၶႅပ်းႁၢင်ႈ/ၽၢႆႁိၼ် လႄႈ ႁွင်ႈမိူင် ဢၼ်ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸွႆႈၵေႃႇသၢင်ႈပၼ် ၵူၼ်းမိူင်းပိုၼ်ႉတီႈ ဝၢၼ်ႈၵုင်းၶမ်းလီ