ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (27) ၼွင်ၶဵဝ် ၼၼ်ႉ ၸွႆႈထုၺ်တၢင်း/ ၶႂၢၵ်ႈတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။

ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေၵႂႃႇမႃးငၢႆႈ ၼႆသေ မိူဝ်ႈဝၼ်းထီႉ 14/03/2024 ၶၢဝ်းယၢမ်း 08:00 မူင်း တေႃႇထိုင် ယၢမ်းႁူဝ်ၶမ်း 03 : 00 မူင်း ၼၼ်ႉ ၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်း သဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(27 ) ၼွင်ၶဵဝ် ၼၼ်ႉ လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ႁူမ်ႈၵူၼ်းမိူင်း (10) ၵေႃႉ၊ၵႃးထုၺ်ႈလိၼ် ( 1 ) လမ်း ၸွႆႈၵၼ် ထုၺ်ႈတၢင်း/ ၶႂၢၵ်ႈတၢင်း လုၵ်ႈဢဝ်တီႈဝၢၼ်ႈလုၵ်းသပေႇ တေႃႇထိုင် ဝၢၼ်ႈႁူဝ်ၼမ်ႉ တၢင်းၵႂၢင်ႈ (20 ) ပေႇ ၊ တင်းယၢဝ်း (5) လၵ်း ၼႂ်းၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇ ၊ ၵၢၼ်ပူၵ်းပွင်ၼႃႈတီႈ ၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

#shanstateprogressparty

#shanstatearmy

#SSPPInfo

#ၸွႆႈၵၢၼ်ပေႃႈမႄႈၵူၼ်းမိူင်း