ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (27) ၸေႈဝဵင်းၼွင်ၶဵဝ် ၼၼ်ႉ ၸွႆႈထုၺ်တၢင်း/ၶႂၢၵ်းတၢင်း ၊ ဢဝ်သၢႆးသိူဝ်ႇတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။

ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေ ၵႂႃႇမႃးငၢႆႈ ၼႆသေ တေႇမိူဝ်ႈ လိူၼ် March 25 တေႃႇထိုင် 26 ဝၼ်း ၶၢဝ်းတၢင်း (2) ဝၼ်းၼၼ်ႉ ၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ SSPP/SSA ဢၼ် ပၵ်းသဝ်းတူင်ႉ ၼိုင် ၼႂ်းပိုၼ်ႉတီႈ ၸေႈဝဵင်း(27) ၼွင်ၶဵဝ် ၼၼ်ႉ လႆႈ ဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ဢိၵ်ႇၵူၼ်းမိူင်း (42 ) ၵေႃႉ ၊ ၵႃးၶုတ်းသၢႆး ( 3 ) လမ်း၊ ၵႃးထုၺ်လိၼ် (3) လမ်း၊ ၵႃးတၢင်ႇသၢႆး (9) လမ်းသေ ၵႂႃႇၸွႆႈထႅမ် ထုၺ်တၢင်း/ၶႂၢၵ်ႈတၢင်း ၊ ဢဝ်သၢႆးသိူဝ်ႇတၢင်းပၼ် ပေႃႈမႄႈၵူၼ်းမိူင်း တီႈၼိူဝ်သဵၼ်ႈတၢင်း ၼႂ်းၵႄႈဝၼ်ႈလုၵ်းသပေႇ တေႃႇထိုင် ဝၢၼ်ႈ ႁူဝ်ၼမ်ႉ ၼႂ်းၸေႈဝဵင်းၼွင်ၶဵဝ် ၸိုင်ႈတႆးႁွင်ႇ ၼၼ်ႉယူႇယဝ်ႉ။သဵၼ်ႈတၢင်းဢၼ်လႆႈမႄးႁဵတ်းၼၼ်ႉ တၢင်းၵႂၢင်ႈမီး 20 ထတ်း တၢင်းယၢဝ်းမီး 10 လၵ်းၼႆယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်ပူၵ်းပွင်ၼႂ်းပိုၼ်ႉ ၼႆႉ ဢိင်ၼိူဝ်ငဝ်း လၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉ သိုၵ်းၵေႃႉ ႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

#shanstateprogressparty

#shanstatearmy

#SSPPInfo

#ၸွႆႈၵၢၼ်ၵူၼ်းမိူင်း