ၽူႈမီးပုၼ်ႈၽွၼ်းၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈ ၸေႈဝဵင်း(18) သီႇပေႃႉၼၼ်ႉ ႁူမ်ႈမိုဝ်းပေႃႈမႄႈၵူၼ်းမိူင်းသေ ဢွၼ်ႁူဝ် ၶဝ်ႈၵူတ်ႇထတ်း တီႉၺွပ်းၵူၼ်းသူႇ၊ သမ်း၊ ၵိၼ် ၊ ၶၢႆ ယႃႈမဝ်းၵမ် ၼႂ်းဢိူင်ႇမၢႆ (2) ၸေႈဝဵင်းမၢႆ (19) သီႇပေႃႉ ၸိုင်ႈတႆးပွတ်းႁွင်ႇ ၼႆယူႇယဝ်ႉ။
ယူႇတီႈပေႃႈမႄႈၵူၼ်းမိူင်း ယွၼ်းတၢင်းႁူမ်ႈမိုဝ်းၸူးတီႈ ၽူႈမီးပုၼ်ႈၽွၼ်း SSPP/SSA ဢၼ်တူင်ႉၼိုင်ပၵ်းသဝ်း ၼႂ်းပိုၼ်ႉတီႈ ၼၼ်ႉသေ မိူဝ်ႈဝၼ်းထီႉ 05/03/ 2024 ၼၼ်ႉ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇ ဢုပ်ႉပိူင်ႇ SSPP/SSA ၼႂ်းၸေႈဝဵင်းမၢႆ (18) သီႇပေႃႉ ဢွၼ်ႁူဝ် လုၵ်ႈၼွင်ႉ ၵေႃႉသိုၵ်းၵေႃႉႁၢၼ် (10) ၵေႃႉ ၶဝ်ႈၵူတ်ႇထတ်း ပၢင်ၶၢႆယႃႈ ၼႂ်းပိုၼ်ႉတီႈတၢင်းဢွၵ်ႇဝၢၼ်ႈၵုင်းၸူင် ၼႂ်းထိူၼ်ႇတီႈၼိုင်ႈ လႄႈ တီႉၺွပ်းလႆႈ ၵူၼ်းၵဵဝ်ႇၶွင်ႈယႃႈမဝ်းၵမ် (5) ၵေႃႉ ၊ ႁူမ်ႈပႃးၶိူင်ႈၶူဝ်း ဢၼ်ၵဵဝ်ႈၶွင် ၾူင်း (5) လုၵ်ႈ၊ လူတ်ႇၶိူင်ႈ (2) လမ်း ၊ ယႃႈမ ၊ ယႃႈ ၽိူၵ်ႇ ၵမ်ႈၽွင်ႈ ဢိၵ်ႇပႃး ၶိူင်ႈသူႇ ၊ သမ်း ၊ ၵိၼ်၊ ၶၢႆ ယႃႈမဝ်းၵမ်ၸဵမ်ၸိူဝ်းၼႆႉ ယူႇယဝ်ႉ။
ၵူၼ်းဢၼ်ၵဵဝ်ႇၶွင်ႈယႃႈမဝ်းၵမ် (5)ၵေႃႉၼၼ်ႉ ၸိုဝ်ႈႁွင်ႉ ၸၢႆးလၢဝ်ၶမ်း ဢႃႇယု ( 38 ) ၶူပ်ႇ ယူႇဝၢၼ်ႈ ၵုင်းၸူင် ဢိူင်ႇမၢႆ (2) ၸေႈဝဵင်း(19)သီႇပေႃႉ ၊ၸၢႆးထုၼ်းလႅင်း ဢႃႇယု (26 )ၶူပ်ႇ ယူႇဝၢၼ်ႈၵုင်းၸူင် ဢိူင်ႇမၢႆ(2) ၸေႈဝဵင်း (19)သီႇပေႃႉ ၊ ၸၢႆးၸိင်ႇ ဢႃႇယု (43 )ၶူပ်ႇ ယူႇဝၢၼ်ႈ ၼမ်ႉၽႃႈတေႇ ဢိူင်ႇ(2)ၸေႈဝဵင်း(19) သီႇပေႃႉ ၊ ၸၢႆးပၢၼ်းဢွင်ႇ ဢႃႇယု (30 )ၶူပ်ႇ ယူႇဝၢၼ်ႈပၢင်ႇၼိူဝ် ဢိူင်ႇ(1) ၸေႈဝဵင်းမၢႆ(18) သီႇပေႃႉ လႄႈ ၸၢႆးၵျေႃႇ ဢႃႇယု (36 )ၶူပ်ႇ ယူႇဝၢၼ်ႈၸၢတ်ႈ ဢိူင်ႇ(1) ၸေႈဝဵင်းမၢႆ (19) သီႇပေႃႉ ၸဵမ်ၸိူဝ်းၼႆႉယူႇယဝ်ႉ။
ၽူႈမီးတၢင်းၽိတ်း ၸိူဝ်းၵဵဝ်ႇၶွင်ႈယႃႈမဝ်းၵမ်ၸိူဝ်းၼႆႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေဢဝ်မူၼ်ႉမႄးတူဝ်ၸႂ်ပၼ်သေ ၵူၼ်းၸိူဝ်းၵဵဝ်ႇၶွင်ႈ ၵၢၼ်ၶၢႆယႃႈမဝ်းၵမ်ၼၼ်ႉၵေႃႈ တေပၼ်တၢမ်ႇတၢင်းၽိတ်းၵႂႃႇ ၸွမ်းၼင်ႇမူႇပိူင် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး တမ်းဝၢင်း မီးဝႆႉၼၼ်ႉယူႇယဝ်ႉ။
#shanstateprogressparty
#shanstatearmy
#SSPPInfo
#ယႃႈမဝ်းၵမ်
