ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (27) ၸေႈဝဵင်းၼွင်ၶဵဝ် ၼၼ်ႉ ၸွႆႈႁဵတ်းတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။

ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေ ၵႂႃႇမႃးငၢႆႈ ၼႆသေ တေႇမိူဝ်ႈ လိူၼ်မၢတ်ႉၶျ် ( March) 21 တေႃႇထိုင် 22 ဝၼ်း ၶၢဝ်းတၢင်း (2 ) ဝၼ်းၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ် ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(27) ၼွင်ၶဵဝ် ၼၼ်ႉ လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇ တပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ဢိၵ်ႇၵူၼ်းမိူင်း (56) ၵေႃႉ ၊ ၵႃးၶုတ်းသၢႆး ( 2) လမ်း၊ ၵႃးထုၺ်လိၼ် (3) လမ်း၊ ၵႃးတၢင်ႇသၢႆး (5) လမ်း ၵႂႃႇၸွႆႈထႅမ် ထုၺ်ႈတၢင်း/ၶႂၢၵ်ႈတၢင်း ၊ ဢဝ်သၢႆးသိူဝ်ႇတၢင်း တီႈၼိူဝ်သဵၼ်ႈတၢင်း ဝၢၼ်ႈႁူဝ်ၼမ်ႉ ဢိူင်ႇမၢႆ (2) ၸေႈဝဵင်းၼွင်ၶဵဝ် ၸိုင်ႈတႆးႁွင်ႇ ၼၼ်ႉယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇ၊ ၵၢၼ်ပူၵ်းပွင်ၼႂ်းပိုၼ်ႉ ၼႆႉ ဢိင်ၼိူဝ်ငဝ်း လၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉ သိုၵ်းၵေႃႉ ႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

#shanstateprogressparty

#shanstatearmy

#ၵၢၼ်တွၼ်ႈလိၼ်ၶိုၼ်ႈယႂ်ႇ

#ၸေႈဝဵင်းၼွင်ၶဵဝ်