ၵူၼ်းမိူင်းထုင်ႉမၢဝ်း ၸွႆႈထႅမ်လွင်ႈၵိၼ်ယႅမ်ႉ တီႈသၢႆသိုၵ်းတပ်ႉၶိုၵ်ႉတွၼ်း ဢိင်ၼိူဝ်သၢႆသိုၵ်း တပ်ႉၶိုၵ်ႉတွၼ်း SSPP/SSA ႁွတ်ႈထိုင်ထုင်ႉမၢဝ်းသေ တူင်ႉၼိုင် ဢဝ်ႁူမ်ႇလူမ်ႈ ၵူၼ်းမိူင်းထုင်ႉမၢဝ်းၼၼ်ႉ ယူႇတီႈၵူၼ်းမိူင်းထုင်ႉမၢဝ်း ၸွႆႈထႅမ်လွင်ႈၵိၼ်ယႅမ်ႉ လႄႈ ငိုၼ်းတွင်း တီႈသၢႆသိုၵ်းတပ်ႉၶိုၵ်ႉတွၼ်း။

တႄႇဢဝ်ၼႂ်းလိူၼ် ၽေႇၾေႃႇဝႃႇ ပီႊ 2024 တေႃႇထိုင် လိူၼ်မၢသ်ႉ ပီႊ 2024 ၼႆႉ ယူႇတီႈ ၵူၼ်းမိူင်းထုင်ႉမၢဝ်း လႆႈၸွႆႈထႅမ် ၶဝ်ႈသၢၼ် ၊ ၽၵ်းၽိူၵ်ႇ ၊ ၽၵ်းလႅင် ၊ ၽၵ်းၶဵဝ် ၊ ၽၵ်းႁႅင်ႈ ၊ ၼမ်ႉမၼ်း ၊ ၵိူဝ် ၊ ၽွင်ဝၢၼ် ၊ ၼမ်ႉၵိၼ် ၊ ၼမ်ႉဝၢၼ် ၼမ်ႉၸဵမ်း ၸိူဝ်းၼႆႉဢမ်ႇၵႃး ဢိၵ်ႇပႃးၵၢၼ်လဵင်ႉလူ ၵူၼ်းသိုၵ်း လႄႈ ၸွႆႈထႅမ်ပႃး ငိုၼ်းတွင်း ငိုၼ်းမၢၼ်ႈ (2,650,000 ) ပျႃး လႄႈ ငိုၼ်းၶႄႇ ( 4,000 ) ယွၼ်ႇ ၸိူဝ်းၼႆႉယူႇယဝ်ႉ။

ၽူႈၵွၼ်းသၢႆသိုၵ်း တပ်ႉၶိုၵ်ႉတွၼ်းလၢတ်ႈဝႃႈ – ငိၼ်းၸူမ်းထိုင် ပေႃႈမႄႈၵူၼ်းမိူင်း ထုင်ႉမၢဝ်းႁဝ်းၶႃႈၸိူဝ်းဢၼ်ႁပ်ႉတွၼ်ႈႁဝ်းၶႃႈ ၸွႆႈထႅမ်မႃး လွင်ႈၵိၼ်ယႅမ်ႉ ဢိၵ်ႇပႃးငိုၼ်းတွင်း ၵႃႈၸႂ်ႉၸၢႆႇၵူႈလွင်ႈလွင်ႈၸိူဝ်းၼႆႉ ငိၼ်းၸူမ်ထိုင် ပီႈၼွင်ႉ ၵူၼ်းမိူင်းႁဝ်းၶႃႈ ထုင်ႉမၢဝ်းတႄႉတႄႉ ယူႇၶႃႈ သိုပ်ႇၼႆႉၵႂႃႇၼႃႈၵေႃႈ ယူႇတီႈႁဝ်းၶႃႈ မီးပုၼ်ႈၽွၼ်း ေသ တႃႇႁႂ်ႈၵူၼ်းမိူင်းထုင်ႉမၢဝ်း ႁဝ်းၶႃႈ ပေႃးတေမီးတီႈပိုင်ႈဢိင် ၸႂ်ယႂ်ႇၵႂႃႇလႆႈၼၼ်ႉ ႁဝ်းၶႃႈတေ ဢဝ်ၼႃႈဢူၵ်းႁဵတ်း တမ်ႇတိူင်းသေ ႁူမ်ႇလူမ်ႇၵႅတ်ႇၶႄပၼ် ပေႃႈမႄႈၵူၼ်းမိူင်းႁဝ်းၶႃႈ ၼင်ႇႁဝ်းၶႃႈ ပွင်ပဵၼ်လႆႈယူႇ ၶႃႈဢေႃႈ ဝႃႈၼႆ။

#shanstateprogressparty

#SSPPInfo

#ပေႃႈမႄႈၵူၼ်းမိူင်းၸွႆႈထႅမ်

#တပ်ႉၶိုၵ်ႉတွၼ်းssppssa