ၵေႃႉသိုၵ်းၵေႃႉႁၢၼ်ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (22) ၼွင်ၶဵဝ် ၸေႈတွၼ်ႈမၢႆ (7) ၼၼ်ႉ ၸွႆႈထုၺ်တၢင်း / ၶႂၢၵ်ႈတၢင်း ပၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ၼႆယူႇယဝ်ႉ ။
ယိူင်းဢၢၼ်း တႃႇပေႃႈမႄႈၵူၼ်းမိူင်း တေၵႂႃႇမႃးငၢႆႈၼႆသေ မိူဝ်ႈဝၼ်းထီႉ 26/01/2024 တေႃႇထိုင် ဝၼ်းထီႉ 07/02/2024 ၶၢဝ်းတၢင်း(13) ဝၼ်းၼၼ်ႉ ယူႇတီႈၽူႈမီးပုၼ်ႈၽွၼ်း ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်း တူင်ႉၼိုင် ၼႂ်းပိုၼ်ႉတီႈ ၸေႈဝဵင်းမၢႆ (22) ၼွင် ၶဵဝ် ၸေႈတွၼ်ႈမၢႆ (7) ၼၼ်ႉ ဢွၼ်ႁူဝ်ၵေႃႉသိုၵ်း ၵေႃႉ ႁၢၼ်ၾၢႆႇတပ်ႉၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ဢိၵ်ႇပႃး ၵူၼ်းမိူင်း (139) ၵေႃႉ ၊ ၵႃးထုၺ်လိၼ် ၼိုင်လမ်း ၊ ၵႃး ၸၢၵ်ႈထႆလိၼ်ၼိုင်လမ်း ၊ ၵႃးတၢင်ႇလိၼ် ၼိုင်ႈလမ်း ဢွၼ်ၵၼ်မႄးႁဵတ်းသဵၼ်ႈတၢင်း ၼႂ်းၵႄႈၵၢင်ဝၢၼ်ႈလွၵ်းၽၢၼ်း တေႃႇထိုင် ဝၢၼ်ႈၶၢႆးမွၼ် ဢိူင်ႇလူင်ယူမ်း ၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၶၢဝ်းတၢင်းၵႆ မီး (3) လၵ်း တၢင်းၵႂၢင်ႈသဵၼ်ႈတၢင်း မီး (30 ) ထတ်း ၼႆယူႇယဝ်ႉ ။
လွင်ႈၸွႆႈထႅမ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ ၸွႆႈလႆႈ ၼၼ်ႉ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ်ၸွႆႈထႅမ် ၵႂႃႇယူႇယဝ်ႉ ။#shanstateprogressparty
#shanstatearmy
#SSPPInfo
#ၸွႆႈထႅမ်ႁဵတ်းတၢင်းၸေႈဝဵင်းၼွင်ၶဵဝ်
