ငဝ်ႈငုၼ်း ပႃတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်သေ ၸတ်းႁဵတ်းပၢင်ၵႅဝ်ႈ ပိုတ်ႇ ၽုၺ်ႇ ပၢင်သွၼ်ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉဢွၼ်ႇ (NCOT) ၸုပ်ႈထီႉ(1) ဢွင်ႈတီႈ ႁူင်းႁဵၼ်းၾၢႆႇဢုပ်ႉ ပိူင်ႇ တိုင်းလဵင်း ဢိူင်ႇၶုမ်ႇပၢင် ၸေႈဝဵင်းဝၢၼ်ႈႁႆး ၸိုင်ႈတႆးပွတ်းၸၢၼ်းၼႆယူႇယဝ်ႉ။

မိူဝ်ႈဝၼ်းထီႉ 20/02/2024 တေႇၶၢဝ်းယၢမ်း ၵၢင်ၼႂ် 09:00 မူင်း ၼၼ်ႉ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈ တႆး တပ်ႉသိုၵ်းၸိုင်ႈတႆး SSPP/SSA လႆႈဢွၼ်ႁူဝ် ၸတ်းႁဵတ်း ပၢင်ၵႅဝ်ႈပိုတ်ႇၽုၺ်ႇ ပၢင်သွၼ်ၽိူမ်ႉထႅမ် ၼမ်ႉ ၵတ်ႉ ၽူႈမီးၸၼ်ႉဢွၼ်ႇ ၸုပ်ႈထီႉ(1) ဢွင်ႈတီႈ ႁူင်း ႁဵၼ်းၾၢႆႇဢုပ်ႇပိူင်ႇ တိုင်းလဵင်း သေ မီးၽူႈယႂ်ႇ ၵူၼ်းလူင်ၼႂ်းငဝ်ႈငုၼ်း ၊ လုၵ်ႈႁဵၼ်း လႄႈ ၸုမ်းၾၢႆႇယူႇလီ ၊ ၾၢႆႇႁူမ်ႇလူမ်ႈၶဝ် ႁူမ်ႈသဵင်ႈ ၽူႈၶိုၼ်ႈႁွတ်ႈမီး (278) ၵေႃႉ ၼႆယူႇယဝ်ႉ။

တီႈၼႂ်းပၢင်ၵႅဝ်ႈၼၼ်ႉ ၽူႈပွင်ၵၢၼ်သိုၵ်း ၸွမ်သိုၵ်း ၶိၼ်ႇမိၼ်ႇ မွၵ်ႇလၢတ်ႈၶေႃႈၵႂၢမ်း ပိုတ်ႇၽုၺ်ႇပၢင်ၵႅဝ်ႈ လႄႈ သူင်ႇသင်ႇထိုင်လုၵ်ႈႁဵၼ်း ၊ ၽူႈၵုမ်းထိင်းလုၵ်ႈႁဵၼ်း ၶုၼ်သိုၵ်းၶမ်းၶႅင်ႇ လူဢၢၼ်ႇၼႄ ၶၢဝ်းယၢမ်းလွင်ႈ တူင်ႉၼိုင်ပၢင်သွၼ် ၊ ပၵ်းပိူင်လၵ်းမၢႆပၢင်သွၼ် ၸဵမ်ၸိူဝ်းၼႆႉသေ ထိုင်မႃးၶၢဝ်းယၢမ်း ၵၢင်ၼႂ် 10:17 မူင်း ၽူႈ ၶပ်းပၢင်ပိုၼ် ၽၢဝ်ႇပၢင်ၵႅဝ်ႈ ဢွင်ႇမၢၼ်ယဝ်ႉတူဝ်ႈၵႂႃႇယူႇယဝ်ႉ။

ပၢင်သွၼ်ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉဢွၼ်ႇ – (Non-Commissioned Officer Course ) NCOT ၼႆႉ တိုၵ်ႉတေႇလႆႈၸတ်းႁဵတ်း ပဵၼ်ပွၵ်ႈၵမ်း(1) ၼႂ်းပီႊ 2024 ၼႆႉ သေ ယိူင်းဢၢၼ်း ပိူဝ်ႈတႃႇ ၽူႈဢွၼ်ႁူဝ်ၸၼ်ႉ ဢွၼ်ႇၶဝ် တေမေႃမီးၼမ်ႉၵတ်ႉ ဢွၼ်ႁူဝ်ၵႂႃႇ ၸွမ်းၼင်ႇၼႃႈ ၵၢၼ်ပုၼ်ႈၽွၼ်းဢၼ်ၸဝ်ႈၵဝ်ႇမီးဝႆႉၼၼ်ႉ လႄႈ ၸင်ႇလႆႈပိုတ်ႇၽုၺ်ႇၸတ်းႁဵတ်းမႃး ယူႇယဝ်ႉ။

#shanstateprogressparty

#shanstatearmy

#SSPPInfo

#ပၢင်သွၼ်ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉဢွၼ်ႇ

#NCOT