ယူႇတီႈႁွင်ႈၵၢၼ်ပၢႆးပၺ်ႇၺႃႇငဝ်ႈငုၼ်း SSPP/SSA ဢွၼ်ႁူဝ်သေ ၸတ်းႁဵတ်းပၢင်ၵႅဝ်ႈပိုတ်ႇၽုၺ်ႇ ပၢင်ပွႆး ထတ်းၼမ်ႉၵတ်ႉ လုၵ်ႈႁဵၼ်း လႄႈ တွၼ်ႈသူးလုၵ်ႈႁဵၼ်း ပွၵ်ႈၵမ်း (2) ၼႂ်းပီႊသွၼ်ႁဵၼ်း (2023/2024)ၼီႊ ဢွင်ႈတီႈ ႁူင်းႁေႃးလူင် ၼၢင်းၶမ်းၺှုဝ်ႇ ႁူင်းႁဵၼ်းၼေႃႈတႅၼ်းၶိူဝ်း ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆႉယူႇယဝ်ႉ။
မိူဝ်ႈဝၼ်းထီႉ 28/02/2024 ၶၢဝ်းယၢမ်း ၵၢင်ၼႂ် 09:00 မူင်း ၼၼ်ႉ ယူႇတီႈႁွင်ႈၵၢၼ်ၾၢႆႇပၢႆးပိင်ႇၺႃႇ ငဝ်ႈ ငုၼ်း SSPP/SSA ဢွၼ်ႁူဝ် ၸတ်းႁဵတ်းပၢင်ၵႅဝ်ႈ ပိုတ်ႇၽုၺ်ႇပၢင်ပွႆးထတ်းၼမ်ႉၵတ်ႉလုၵ်ႈႁဵၼ်း တွၼ်ႈသူး လုၵ်ႈႁဵၼ်း ပွၵ်ႈၵမ်း(2) တီႈႁူင်းႁေႃးလူင် ၼၢင်းၶမ်းၺူဝ်ႇ ႁူင်း ႁဵၼ်းၼေႃႇတႅၼ်းၶိူဝ်း ဝဵင်းမႂ်ႇဝၢၼ်ႈႁႆး ၊ ၼႂ်းၼၼ်ႉမီး ၽူႈယႂ်ႇၵူၼ်းလူင် ၊ ၸုမ်းပွင်ၵၢၼ်ပၢင်ပွႆး ၊ ပေႃႈမႄႈလုၵ်ႈ ႁဵၼ်း ၊ ၸုမ်းမေႃသွၼ် ၊ ၸုမ်းလုၵ်ႈႁဵၼ်း တၢင်းမူတ်းႁူမ်ႈသဵင်ႈ ၽူႈၶိုၼ်ႈႁွတ်ႈမီး (1500) ၵေႃႉ ႁိမ်းႁွမ်းယူႇယဝ်ႉ ။
တီႈပၢင်ၵႅဝ်ႈၼၼ်ႉ မီးၽူႈၸတ်းၵၢၼ်ဢုပ်ႉပိူင်ႇငဝ်ႈငုၼ်း ၸွမ်သိုၵ်းသၢႆၾႃႉ မွၵ်ႇလၢတ်ႈၶေႃႈၵႂၢမ်းပိုတ်ႇ ၽုၺ်ႇပၢင် ၵႅဝ်ႈ ပၼ်ပိုၼ်ႉႁူႉလွင်ႈၵၢၼ်ပၢႆးပိင်ႇၺႃႇ ၊ ၸုမ်းမေႃသွၼ် လႄႈ ၽူႈယႂ်ႇၵူၼ်းလူင် တွၼ်ႈသူးလုၵ်ႈႁဵၼ်း ၊ ၽူႈ ၸတ်းၵၢၼ် ပၢႆးပိင်ႇၺႃႇ ငဝ်ႈငုၼ်း ၸဝ်ႈႁၢၼ်သီႇႁ မွၵ်ႇလၢတ်ႈၶေႃႈၵႂၢမ်းလူပ်းလင် သူင်ႇသင်ႇ လုၵ်ႈႁဵၼ်း လႄႈ ထိုင်မႃးၶၢဝ်းယၢမ်း ၵၢင်ဝၼ်း 12:00 မူင်းၼၼ်ႉ ၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈဢွင်ႇမၢၼ်ယဝ်ႉတူဝ်ႈ ၵႂႃႇလီငၢမ်း ယူႇယဝ်ႉ။
ပၢင်ပွႆးထတ်းၼမ်ႉၵတ်ႉလုၵ်ႈႁဵၼ်း တွၼ်ႈသူးပွၵ်ႈၵမ်း (2)ၼႆႉ တႄႇၸတ်းႁဵတ်းမႃးမိူဝ်ႈဝၼ်းထီႉ 25/02/ 2024 တေႃႇထိုင် 29/02/2024 ၶၢဝ်းတၢင်း (4) ဝၼ်း သေ ၼႂ်းဝၼ်းထီႉ 25-26-27/02/2024 ၶၢဝ်းတၢင်း(3) ဝၼ်း ၼၼ်ႉ လုၵ်ႈႁဵၼ်း ၸၼ်ႉ (1) တေႃႇၸၼ်ႉ(5) တွပ်ႈလိၵ်ႈ လႄႈ မီးပၢင်ၶေႉၶဵင်ႇတၢင်းၵႃႈ ၼႆယူႇယဝ်ႉ။
ဝၼ်းထီႉ 28/02/2024 ၼၼ်ႉ ၸတ်းႁဵတ်းပၢင်ၵႅဝ်ႈ တွၼ်ႈသူးလုၵ်ႈႁဵၼ်းၵတ်ႉၶႅၼ်ႇလိၵ်ႈလၢႆး လႄႈ ၼႂ်းဝၼ်းထီႉ 29/02/2024 ၼၼ်ႉ ယူႇတီႈၸုမ်းမေႃသွၼ် ၽူႈယႂ်ႇ ၵူၼ်းလူင် ယိုၼ်ႈမွပ်ႈပၼ်သူး လုၵ်ႈႁဵၼ်းၵတ်ႉၶႅၼ်ႇ ၾၢႆႇတၢင်းၵႃႈ ၊ တၢင်းလဵၼ်ႈ သေ တၢၼ်ႊၶႆႊပၼ်ပိုၼ်ႉႁူႉလွင်ႈပၢႆးပိင်ႇၺႃႇ ၸဵမ်ၸိူဝ်းၼႆႉ ယူႇယဝ်ႉ။
ၼင်ႇႁိုဝ်လုၵ်ႈဢွၼ်ႇၵူၼ်းၼုမ်ႇတႆးႁဝ်း ပေႃးတေမီးၼမ်ႉၵတ်ႉတၢင်းႁူႉ တၢင်းမေႃ ၽၢႆႇပၢႆးပၺ်ႇၺႃႇၵူႈမဵဝ်း မဵဝ်းသေ သိုပ်ႇပုတ်ႈႁၢပ်ႇၵၢၼ်လူင် ပဵၼ်ၽူႈဢွၼ်ႁူဝ်လီ တႃႇၸိူဝ်ႉၸၢတ်ႈဝၢၼ်ႈမိူင်းၵႂႃႇမိူဝ်းၼႃႈ ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တိုၼ်းတေသိုပ်ႇၶတ်းၸႂ် ပူၵ်းပွင် ၼမ်ႉၵတ်ႉ ၵူၼ်းၼုမ်ႇ ၵႂႃႇယူႇယဝ်ႉ။#shanstateprogressparty
#shanstatearmy
#SSPPInfo
#ႁွင်ႈၵၢၼ်ပၢႆးပၺ်ႇငဝ်ႈငုၼ်း
#ပၢင်ပွႆးတွပ်ႇလိၵ်ႈ
