ၶွင်ႇသီႇသိုၵ်းမၢၼ်ႈႁူမ်ႈၸုမ်းပီႇတုၸိတ်ႉ PNO သၢင်ႈႁဵတ်းပၢင်တိုၵ်းပွမ် သေ ၸႂ်ႉၵွင်ႈလူင် ယိုဝ်းသႂ်ႇၸွမ်းၼႂ်း ဝၢၼ်ႈတီႈၵူၼ်းမိူင်းယူႇသဝ်း ၼႂ်းၸေႈဝဵင်းသီႇသႅင်ႇလႄႈ ႁဵတ်းႁႂ်ႈမၢၵ်ႇလူင်တူၵ်းတႅၵ်ႇတိူဝ်ႉၺႃး ႁိူၼ်းၵူၼ်း မိူင်း လႆႈလူႉၵွႆ ၊ ၵူၼ်းမိူင်းၵမ်ႈၽွင်ႈ မီးလွင်ႈမၢတ်ႇၸဵပ်းလူႉတၢႆ ၸွမ်း ၼႆယူႇယဝ်ႉ။

မိူဝ်ႈဝၼ်းထီႉ 17/02/2024 ၶၢဝ်းယၢမ်း 21:00 မူင်း ၼၼ်ႉ ၶွင်ႇသီႇသိုၵ်းမၢၼ်ႈ ႁူမ်ႈၸုမ်းပီႇတုၸိတ်ႉ ဢၼ်ယူႇ တီႈတပ်ႉ ၶမယ (425/426) ၼႂ်းၸေႈဝဵင်းသီႇသႅင်ႇ ၼၼ်ႉ သၢင်ႈႁဵတ်းပၢင်တိုၵ်းပွမ် ယိုဝ်းၵွင်ႈဢွၼ်ႇ/လူင်သႂ်ႇ ၼႂ်းဝၢၼ်ႈ ထၼ်းယၼ်ႇ ၊ ဝၢၼ်ႈထီႇတမ်ႇ ၸေႈဝဵင်းသီႇသႅင်ႇ မွၵ်ႈ(40) လုၵ်ႈ သေ ႁဵတ်းႁႂ်ႈမၢၵ်ႇလူင် တူၵ်းတႅၵ်ႇ တိူဝ်ႉၺႃး လုၵ်ႈဢွၼ်ႇၸၢႆး သႅၼ်းဢႃႇယု(6) လိူၼ် တီႈဝၢၼ်ႈထၼ်းယၼ်ႇ လႆႈလူႉသဵင်ႈသၢႆၸႂ် လႄႈ ဢူႈမႄႈ လုၵ်ႈဢွၼ်ႇၵေႃႈ လႆႈတိူဝ်ႉၺႃးမၢတ်ႇၸဵပ်းၸွမ်း သေဢမ်ႇၵႃး ႁိူၼ်းယေးလႆႈလူႉၵွႆပႃးထႅင်ႈၼႆယူႇယဝ်ႉ။

လိူဝ်သေၼၼ်ႉ ၵူၼ်းမိူင်းပိုၼ်ႉတီႈ ဝၢၼ်ႈထီႇတမ်ႇ (2) ၵေႃႉ ၊ ၵူၼ်းဝၢၼ်ႈ ထၼ်းယၼ်ႇ (5) ၵေႃႉ လႆႈတိူဝ်ႉ ၺႃးမၢတ်ႇၸဵပ်းၸွမ်း သေ တီႈၼႂ်းဝၢၼ်ႈ ဢၼ်ၶွင်ႇသီႇသိုၵ်းမၢၼ်ႈႁူမ်ႈ ၸုမ်းပီႇတုၸိတ်ႉ PNO ယိုဝ်း ၵွင်ႈ ဢွၼ်ႇၵွင်ႈလူင်သႂ်ႇၼၼ်ႉ ဢမ်ႇမီးၸုမ်းယိပ်းၵွင်ႈၵၢင်ႇၸုမ်းလႂ်ယူႇသဝ်းဝႆႉ လႄႈ ပဵၼ်ဝၢၼ်ႈၸၢဝ်း ၶိူဝ်း ပဢူဝ်း ၶဝ် ယူႇသဝ်းႁဵတ်းၵၢၼ် ႁႃၵိၼ်လဵင်ႉတွင်ႉဝႆႉ ၼႆယူႇယဝ်ႉ။

မိူဝ်ႈပူၼ်ႉမႃး ဝၼ်းထီႉ 14/02/2023 ၼၼ်ႉၵေႃႈ ၾၢႆႇၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း သႅၼ်း (JeR Fig hter ) သေ ပွႆႇမၢၵ်ႇသႂ်ႇၼႂ်းဝၢၼ်ႈ ပၶျႃးၵလူဝ်း ၼႂ်းၸေႈဝဵင်းသီႇသႅင်ႇ တီႈဢၼ်ဢမ်ႇမီးပၢင်တိုၵ်း ဢမ်ႇမီး ၸုမ်းယိပ်းၵွင်ႈၵၢင်ႇ ၸုမ်းလႂ်တူင်ႉၼိုင်ၼၼ်ႉသေ တိူဝ်ႉၺႃး ႁိူၼ်းၵူၼ်းမိူင်း လူႉၵွႆ ၊ ၵူၼ်းဝၢၼ်ႈ ၽူႈၸၢႆး(1) ၵေႃႉ၊ ယိင်း(1) ၵေႃႉ လႆႈလူႉသဵင်ႈသၢႆၸႂ်ၸွမ်းၼႆယူႇယဝ်ႉ။

Photo – Credit To PLNA News & Information Department

#shanstateprogressparty

#shanstatearmy

#SSPPInfo

#PNO

#ယိုဝ်းၵွင်ႈလူင်