ၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း (Jetfighter ) ၼိုင်ႈလမ်းသေ ပွႆႇမၢၵ်ႇသႂ်ႇၼႂ်းဝၢၼ်ႈ ပၶျႃးၵလူဝ်း ၸေႈဝဵင်း သီႇသႅင်ႇ ဝၢၼ်ႈဢၼ် ၵူၼ်းၶိူဝ်းပဢူဝ်းယူႇသဝ်းဝႆႉ တီႈ ဢၼ် ဢမ်ႇပဵၼ်ပၢင်တိုၵ်း ဢမ်ႇမီးၸုမ်းယိပ်းၵွင်ႈၵၢင်ႇ ၼၼ်ႉလႄႈ ႁဵတ်းႁႂ်ႈ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်း လႆႈတၢင်းမၢတ်ႇၸဵပ်းလူႉတၢႆ ၼႆယူႇယဝ်ႉ။

မိူဝ်ႈၼႆႉဝၼ်းထီႉ 14/02/2024 ၶၢဝ်းယၢမ်းၵၢင်ၼႂ် 10:30 မူင်းၼၼ်ႉ ၶွင်ႇသီႇသိုၵ်းမၢၼ်ႈၸႂ်ႉႁိူဝ်းမိၼ် သႅၼ်း (Jetfighter) ၼိုင်ႈလမ်း ပွႆႇမၢၵ်ႇသႂ်ႇၼႂ်းဝၢၼ်ႈ ပၶျႃးၵလူဝ်း ဢၼ်မီးၾၢႆႇ ၸဵင်ႇႁွင်ႇဝၼ်းဢွၵ်ႇ ဝဵင်းသီႇသႅင်ႇ ယၢၼ် ၵႆဝဵင်းသီႇသႅင်ႇမွၵ်ႈ (40) လၵ်း ပဵၼ်ႁိမ်းၼင်လိၼ် ၸေႈဝဵင်းသီႇသႅင်ႇ -ၸေႈဝဵင်းႁူဝ်ပူင်း တိတ်းၸပ်း ၵၼ် ၼၼ်ႉ မွၵ်ႈ(5) လုၵ်ႈသေ ႁဵတ်းႁႂ်ႈ မၢၵ်ႇတူၵ်းတႅၵ်ႇတိူဝ်ႉ ၺႃး ၵူၼ်းဝၢၼ်ႈ ၽူႈၸၢႆး(1) ၵေႃႉ ၊ ယိင်း(1) ၵေႃႉလႆႈလူႉသဵင်ႈသၢႆၸႂ် လႄႈ ၵူၼ်းဝၢၼ်ႈလႆႈတိူဝ်ႉၺႃးမၢတ်ႇၸဵပ်းၸွမ်း ဢမ်ႇယွမ်း (8) ၵေႃႉ ၼႆယူႇယဝ်ႉ။

ၼႂ်းဝၢၼ်ႈ ပၶျႃးၵလူဝ်း ၸေႈဝဵင်းသီႇသႅင်ႇ တီႈဢၼ်ၶွင်ႇသီႇသိုၵ်းမၢၼ်ႈၸႂ်ႉႁိူဝ်းမိၼ်ပွႆႇမၢၵ်ႇသႂ်ႇၼႆႉ ဢမ်ႇၸႂ်ႈတီႈပဵၼ်ပၢင်တိုၵ်းသေ ဢမ်ႇၵႃး ၸုမ်းယိပ်းၵွင်ႈၵၢင်ႇၸုမ်းလႂ် ၵေႃႈဢမ်ႇမီးဝႆႉ လႄႈ ပဵၼ်ဝၢၼ်ႈဢၼ်ၵူၼ်းမိူင်း ၸၢဝ်းၶိူဝ်းပဢူဝ်းၶဝ်ယူႇသဝ်းဝႆႉ ၼႆယူႇယဝ်ႉ။

#shanstateprogressparty

#shanstatearmy

#SSPPInfo

#jetfighter #ၸေႈဝဵင်းသီႇသႅင်ႇ