ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်း ဢၼ် ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈၸေႈဝဵင်း (18) ၼမ်ႉတူႈ ၼၼ်ႉ ၸွႆႈႁဵတ်းၶူဝ်ပၼ် ပေႃႈမႄႈၵူၼ်း/ၵူၼ်းသိုၵ်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 10/02/2024 ၶၢဝ်းယၢမ်း (9:00)မူင်း တေႃႇထိုင် (17:00) မူင်းၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်းမၢႆ (18) ၼမ်ႉတူႈ ၸေႈတွၼ်ႈမၢႆ (8) ၼၼ်ႉ ဢွၼ်ႁူဝ် ႁႅင်းၵူၼ်းသိုၵ်း (7) ၵေႃႉ ၊ ႁႅင်းၵူၼ်းမိူင်း (13) ၵေႃႉ ႁူမ်ႈတၢင်းသဵင်ႈ (20) ၵေႃႉသေ ၸွႆႈၵၼ်ႁဵတ်းၶူဝ်တႃႈၼမ်ႉၽၢတ်ႇ ဢၼ်မီးၼႂ်းဢိူင်ႇပၢင်လူင် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ ။
ၼႂ်းၶၢဝ်းၸုမ်းဢူၺ်းလီ (3) ၸုမ်း တင်းၶွင်ႇသီႇသိုၵ်းမၢၼ်ႈပဵၼ်ပၢင်တိုၵ်းၵၼ်မႃးတေႃႇထိုင်ယၢမ်းလဵဝ် ယွၼ်ႉ ၶူဝ်/ သဵၼ်ႈတႃႈသၢႆတၢင်း ၸွမ်းသဵၼ်ႈတၢင်းလူင် ၵူႈၾၢႆႇလူႉလႅဝ် လႄႈ ၵူၼ်းမိူင်းမီးတၢင်းယၢပ်ႇ ဢမ်ႇၸၢင်ႈၵႂႃႇမႃး ၵွပ်ႈၼၼ်ၼင်ႇႁိုဝ်ပေႃႈမႄႈၵူၼ်းမိူင်း တေၸၢင်မီးသဵၼ်ႈတၢင်းၵႂႃႇမႃးငၢႆႈၼၼ်ႉ ယူႇတီႈပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸင်ႇလႆႈ ၶတ်း ၸႂ် ႁဵတ်းပၼ်ၶူဝ် သဵၼ်ႈတႃႈသၢႆတၢင်း ၸဵမ်ၸိူဝ်းၼႆႉယူႇယဝ်ႉ။
#shanstateprogressparty
#shanstatearmy
#SSPPInfo
#ၸွႆႈႁဵတ်းၶူဝ်
