ဢိင်ဢဝ်ၼိူဝ် မၢႆမီႈပၵ်းပိူင် မတ်ႉတႃ (6) တႃႇႁၢပ်ႇထၢမ်းၵၢၼ်သိုၵ်းၵူၼ်းမိူင်း ၼႆသေ မိူဝ်ႈဝၼ်းထီႉ 13/02/2024 ၼၼ်ႉ ၾၢႆႇၶွင်ႇသီႇသိုၵ်းမၢၼ်ႈ လႆႈၽွတ်ႈ ႁႅၼ်း ၸုမ်းဢွၼ်ႁူဝ် ၵေႃႇမတီႇၾၢႆႇၵဵပ်းသိုၵ်းမႂ်ႇ လႄႈ လၢတ်ႈပႃး ၶၢဝ်းယၢမ်းတႃႇတေ တေႇၵဵပ်းသိုၵ်းၵႂႃႇၼႆ လႆႈ ႁၼ်ၼႂ်းၶၢဝ်ႇ မျႃႉဝတီႇ ၶဝ်ပိုၼ်ၽၢဝ်ႇဢွၵ်ႇၵႂႃႇဝႆႉ ၼင်ႇ ၼႆ။

ၽူႈၶဝ်ႈပႃးၸုမ်းဢွၼ်ႁူဝ် ၵေႃႇမတီႇၾၢႆႇၵဵပ်းသိုၵ်းမႂ်ႇ ဢၼ်ၶွင်ႇသီႇသိုၵ်းမၢၼ်ႈၽွတ်ႈႁႅၼ်းဝႆႉၼၼ်ႉ

-1. ၵႅမ်ၸွမ်ၽွင်းလူင်လႄႈ ႁွင်ႈၵၢၼ်လူင် ၾၢႆႇၵႅတ်ႇၶႄ ႁပ်ႉပဵၼ်ႁူဝ်ပဝ်ႈ။

2. ၸွမ်ဢွၼ်ႁူဝ်ၾၢႆႇၵႅတ်ႇၶႄ (တပ်ႉလိၼ်) ၽူႈၸတ်း ၵၢၼ် ၾၢႆႇတိူင်ႇပၢင်ႇငူပ်ႉငိ (တပ်ႉလိၼ် ၊ တပ်ႉၼမ်ႉ ၊ တပ်ႉလူမ်း) လႆႈႁပ်ႉပဵၼ်ၵႅမ်ႁူဝ်ပဝ်ႈ။

3. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင် ၾၢႆႇၼႂ်းမိူင်း ပဵၼ်ၽူႈၶဝ်ႈပႃး။

4. ၽွင်းလူင်မိူင်းႁူမ်ႈတုမ် ၊ ႁွင်ၵၢၼ်လူင် ၾၢႆႇလႅၼ်လိၼ် ပဵၼ်ၽူႈၶဝ်ႈပႃး။

5. ၽွင်းလူင်မိူင်းႁူမ်ႈတုမ် လႄႈ ၽူႈတၢင်လၢတ်ႈၸၼ်ႉမိူင်းႁူမ်ႈတုမ် ႁွင်ႈၵၢၼ်လူင်ၾၢႆႇမၢႆမီႈပၵ်းပိူင် ပဵၼ်ၽူႈၶဝ်ႈပႃး။

6. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင်ၾၢႆႇပိုၼ်ၽၢဝ်ႇသူၼ်းတုမ် ပဵၼ်ၽူႈၶဝ်ႈပႃး။

7. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင်ၾၢႆႇသႃႇသ ၼႃႇလႄႈ ၾၢႆႇယဵၼ်ႇငႄႈၾိုင်ႈထုင်း ပဵၼ်ၽူႈၶဝ်ႈပႃး။

8. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင် ၾၢႆႇဢဵၼ်ႁႅင်းၵူၼ်းမိူင်း လႄႈ ၾၢႆႇထတ်းထွင်ၵူၼ်းၶဝ်ႈ ဢွၵ်ႇမိူင်း ပဵၼ်ၽူႈၶဝ်ႈပႃး။

9. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင်ၾၢႆႇၵူၼ်းႁဵတ်းၵၢၼ် ပဵၼ်ၽူႈၶဝ်ႈပႃး။

10. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင် ၾၢႆႇပၢႆးပိင်ႇ ၺႃႇ ပဵၼ်ၽူႈၶဝ်ႈပႃး။

11. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင် ၾၢႆႇပၢႆးယူႇလီ ပဵၼ်ၽူႈၶဝ်ႈပႃး။

12. ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်လူင် ၾၢႆႇၸၢဝ်းၶိူဝ်း ပဵၼ်ၽူႈၶဝ်ႈပႃး။

13. ၸွမ်လူင်ၾၢႆႇၸွပ်ႇၵၢၼ်သိုၵ်း ၊ လုမ်းလူင် ၾၢႆႇၸွပ်ႇ ၵူတ်ႇထတ်းၵၢၼ်သိုၵ်း ပဵၼ်ၽူႈၶဝ်ႈပႃး။

14. ၸွမ်လူင်ၾၢႆႇမၢႆမီႈသိုၵ်း ၊ လုမ်းလူင်ၾၢႆႇမၢႆမီႈပၵ်းပိူင်သိုၵ်း ပဵၼ်ၽူႈၶဝ်ႈပႃး။

15. ၽူႈမီးၸၼ်ႉလူင် ႁူင်းႁဵၼ်းသိုၵ်း ၊ လုမ်းၽူႈမီးၸၼ်ႉလူင်ႁူင်းႁဵၼ်းသိုၵ်း ပဵၼ်ၽူႈၶဝ်ႈပႃး။

16. ၽူႈၵွၼ်းႁွင်ႈၵၢၼ် ၾၢႆႇယႃႈယႃ ၊ လုမ်းၽူႈၵွၼ်းႁွင်ႈ ၵၢၼ်ၾၢႆႇပၢႆးယႃႈယႃလႄႈ ပၢႆးယူႇလီ ပဵၼ်ၽူႈၶဝ်ႈ ပႃး။

17. ၸွမ်လူင် ၾၢႆႇၵၢၼ်သိုၵ် ၊ လုမ်းလူင်ၾၢႆႇၵၢၼ်သိုၵ်း ပဵၼ်ၽူႈၶဝ်ႈပႃး။

18. ၽူႈၵွၼ်းႁွင်ႈၵၢၼ်ၾၢႆႇသိုၵ်းၵူၼ်းမိူင်း လႄႈ တပ်ႉပႂ်ႉလႅၼ်လိၼ် ပဵၼ်ၽူႈၶဝ်ႈပႃး ၸဵမ်ၸိူဝ်းၼႆႉယူႇ ယဝ်ႉ။

လိူဝ်သေၼၼ်ႉ ၽူႈၶၢၼ်ပၢၵ်ႇၶွင်ႇသီႇသိုၵ်းမၢၼ်ႈ ၸွမ် ႁၢၼ် သေႃႇမိၼ်းထုၼ်း လၢတ်ႈပႃးဝႃႈ ဝၢႆးသေဝၼ်း ဢိုတ်းလုမ်းၶၢဝ်းပွႆးသွၼ်းၼမ်ႉ လိူၼ်ႁႃႈယဝ်ႉ တေတေႇႁပ်ႉၵဵပ်းသိုၵ်းမႂ်ႇသေ ပေႃးဢဝ်ၼႂ်း သဵၼ်ႈမၢႆႁူဝ်ၵူၼ်း ၼႂ်းပီႊ 2019 ဝႃႈၼႆၸိုင် သႅၼ်းဢႃႇယုဢၼ်ၶဝ်ႈပႃးၼႂ်းပိူင် တႃႇႁၢပ်ႇထၢမ်းၵၢၼ်သိုၵ်းၼၼ်ႉ ၽူႈၸၢႆးမီး 6.3 လၢၼ်ႉ ၊ သဵၼ်ႈမၢႆ ၼၢင်းယိင်းမီး 7.7 လၢၼ်ႉ ၊ ႁူမ်ႈသဵင်ႈမီး 14 လၢၼ်ႉ ၼႆယူႇယဝ်ႉ။#shanstateprogressparty

#shanstatearmy

#SSPPInfo

#သိုၵ်းမၢၼ်ႈၵဵပ်းသိုၵ်း

#ၵေႃႇမတီႇတႃႇၵဵပ်းသိုၵ်းမႂ်ႇ