မုၵ်ႉၸုမ်းၼၢင်းယိင်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လူင်းပိုၼ်ႉတီႈ ႁူပ်ႉထူပ်း ပေႃႈမႄႈ ၵူၼ်းမိူင်း ဢၼ်ပဵၼ် မႄႈ/လုၵ်ႈဢွၼ်ႇ လႄႈ ဢိၵ်ႇပႃးၵူၼ်းထဝ်ႈသႅၼ်းဢႃႇယုယႂ်ႇ ၼႂ်းပိုၼ်ႈတီႈ ၸေႈတွၼ်ႈမၢႆ(1) ၵုၼ်ပၢင်ၵုၼ်ၶူင်း ၸေႈဝဵင်းတၢင်ႉယၢၼ်း ၶၢဝ်းတၢင်း (2) ဝၼ်း ၼႆယူႇယဝ်ႉ ။

မိူဝ်ႈဝၼ်းထီႉ 15/02/2023 တေႃႇထိုင် ဝၼ်းထီႉ 16/02 /2024 ၶၢဝ်းတၢင်း (2) ဝၼ်း ၼၼ်ႉ ယူႇတီႈမုၵ်ႉၸုမ်းၼၢင်းယိင်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး SSPP/SSA ဢွၼ်ႁူဝ်သေ လူင်းႁဵတ်းပၢင်ႁူပ်ႉထူပ်း ပေႃႈမႄႈ ၵူၼ်းမိူင်း ၸိူဝ်းပဵၼ်မႄႈ လႄႈ လုၵ်ႈဢွၼ်ႇ ဢိၵ်ႇပႃးၵူၼ်းထဝ်ႈ တီႈႁူင်းယႃ ဝၢၼ်ႈပၢင်မႂ်ႇသုင် ၊ ႁူင်းယႃဝၢၼ်ႈၼမ်ႉၸႅင် ၊ ႁူင်းယႃဝၢၼ်ႈၵုမ်ႇၵႆႇ ၊ ႁူင်းယႃ ဝၢၼ်ႈၼမ်ႉလပ်ႉ လႄႈ ၼႂ်း ၼၼ်ႉ ၽူႈၶိုၼ်ႈႁွတ်ႈ မီးၸုမ်း ၼၢင်းယိင်း ငဝ်ႈငုၼ်း ( 62) ၵေႃႉ ၊ ၵူၼ်းမိူင်းပိုၼ်ႉတီႈ ( 768 )ၵေႃႉ ႁူမ်ႈသဵင်ႈ (830) ၵေႃႉ ယူႇယဝ်ႉ။

တီႈၼႂ်းပၢင်ႁူပ်ႉထူပ်းၼၼ်ႉ ယူႇတီႈၸုမ်းၼၢင်းယိင်း ၶဝ် မွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉ ၵဵဝ်ႇလူၺ်ႈလွင်ႈ ၸုမ်းၼၢင်းယိင်း တေႇပဵၼ်မႃးမိူဝ်ႈလႂ် ယိူင်းဢၢၼ်း ပိူဝ်ႈတႃႇ သင် ၸဵမ်ၸိူဝ်းၼႆႉသေ ၸုမ်းမေႃယႃ ၾၢႆႇပၢႆးယူႇလီၶဝ် ၵေႃႈ မွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉ ၵဵဝ်ႇလူၺ်ႈလွင်ႈ ၾၢႆႇပၢႆးယူႇလီ ၸဵမ် ၸိူဝ်းၼႆႉ ၵႂႃႇယူႇယဝ်ႉ။

ဝၢႆးပၢင်ႁူပ်ႉထူပ်းယဝ်ႉတူဝ်ႈၵႂႃႇၼၼ်ႉ ယူႇတီႈၸုမ်း ၼၢင်းယိင်း လႄႈ ၸုမ်းၾၢႆႇပၢႆးယူႇလီ ၊ ၸုမ်းၼၢင်း ႁၢၼ်ၶဝ် ႁူမ်ႈၵၼ်သေ ၸွႆႈၵူတ်ႇထတ်း တူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း ဢၼ်ပဵၼ် မႄႈပႃးတွင်ႉ ၊ လုၵ်ႈဢွၼ်ႇလဵၵ်ႉ၊ ၵူၼ်းထဝ်ႈ ၸဵမ်ၸိူဝ်းၼႆႉ သေ ၸႃႇၵႃႉၸႅၵ်ႇပၼ် ၶူဝ်းၶွင်ၸႂ်ႉတိုဝ်း ၊ ၶူဝ်းၶွင်ၵိၼ်ယႅမ်ႉ မိူၼ်ၼင်ႇ ၶဝ်ႈမုၼ်း၊ ၼမ်ႉၸဵမ်း၊ မၢၵ်ႇဢူမ်ၸဵမ်း၊ ပႃဢႅပ်ႇ၊ ၶႆႇၵႆႇ၊ ထူဝ်ႇလိူင်၊ သပ်းပျုႇၽွင်၊ ၶူဝ်းၸုမ်ႇမၢၵ်ႇၼင် ၊ သိၼ်ႈတူင်ႇ၊ ၶႅပ်းတိၼ် ၊ ၼမ်ႉၼူမ်းသူမ်ႈ ၸဵမ်ၸိူဝ်းၼႆႉယူႇယဝ်ႉ။#shanstateprogressparty

#shanstatearmy

#SSPPInfo

#မုၵ်ႉၸုမ်းၼၢင်းယိင်း

#ၵုၼ်ပၢင်ၵုၼ်ၶူင်း