ငဝ်ႈငုၼ်းပႃႇတီႇ တီႇမူဝ်ႇၶရေႇၸီႇၸိူဝ်ႉၶိူဝ်းတႆး SNLD ၸွႆႈထႅမ်ၶူဝ်းၸႂ်ႉတိုဝ်း ဢၼ်ပဵၼ်ၶွမ်း လႄႈ ထူင်ၸေး တႃႇလုၵ်ႈႁဵၼ်း တီႈႁူင်းႁဵၼ်း ၼေႃႇတႅၼ်းၶိူဝ်း ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တီႈဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။

မိူဝ်ႈၼႆႉ ဝၼ်းထီႉ 16/02/2024 ၼၼ်ႉ ယူႇတီႈ ငဝ်ႈငုၼ်းပႃႇတီႇ တီႇမူဝ်ႇၶရေႇၸီႇၸိူဝ်ႉၶိူဝ်းတႆး ဢၼ်ပဵၼ်ပႃႇတီႇ ႁူဝ်သိူဝ် SNLD သေ လႆႈၸွႆႈထႅမ်မႃး ၶူဝ်းၸႂ်ႉတိုဝ်း တႃႇ ၼႂ်းႁူင်းႁဵၼ်း ၼေႃႇတႅၼ်းၶိူဝ်း ဢၼ်ပဵၼ်ၶွမ်း (Computer) (10) လုၵ်ႈ ၊ ထူင်ၸေးတႃႇလုၵ်ႈႁဵၼ်း (650) လုၵ်ႈ ၸဵမ်ၸိူဝ်းၼႆႉယူယဝ်ႉ။

လွင်ႈဢၼ် ငဝ်ႈငုၼ်း ပႃႇတီႇတီႇမူဝ်ႇၶရေႇၸီႇၸိူဝ်ႉၶိူဝ်းတႆး SNLD ၸွႆႈထႅမ်မႃး ၶိူင်ႈၵမ်ႉၵႅမ် တႃႇၵၢၼ်ပၢႆးပိင်ႇ ၺႃႇၵူၼ်းၼုမ်ႇတႆးႁဝ်း တီႈႁူင်းႁဵၼ်းၼေႃႇတႅၼ်းၶိူဝ်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၼႆႉ ယိူင်းဢၢၼ်းႁႂ်ႈပေႃးပဵၼ်လွင်ႈၵမ်ႉၸွႆႈ တႃႇၼႂ်းႁူင်းႁဵၼ်းလႄႈ ႁႂ်ႈလုၵ်ႈႁဵၼ်းတႆးႁဝ်း ပေႃးတေမီးႁႅင်းၸႂ် ၶတ်းၸႂ်သွၼ်ႁဵၼ်းၵႂႃႇမိူဝ်းၼႃႈ ၊ ႁႂ်ႈၵိူတ်ႇၶိုၼ်ႈမႃးလႆႈ ၼေႃႇတႅၼ်းၶိူဝ်း တႃႇသိုပ်ႇပုတ်ႈတႅၼ်းတၢင် ၵၢၼ်ၸိူဝ်ႉၶိူဝ်းဝၢၼ်ႈမိူင်းၵႂႃႇမိူဝ်းၼႃႈ ၸိူင်ႉၼင်ႇဝႃႈ လုၵ်ႈ ဢွၼ်ႇဝၼ်းမိူဝ်ႈၼႆႉ ႁႂ်ႈပဵၼ်ၵူၼ်းလူင် ၽူႈဢွၼ်ႁူဝ်ၵႂႃႇဝၼ်းမိူဝ်းၼႃႈ ၼၼ်ႉ ၼႆယူႇယဝ်ႉ။#shanstateprogressparty

#shanstatearmy

#SSPPInfo

#ပႃႇတီႇတီႇမူဝ်ႇၶရေႇၸီႇၸိူဝ်ႉၶိူဝ်းတႆး

#SNLD

#ႁူင်းႁဵၼ်းၼေႃႇတႅၼ်းၶိူဝ်း