ဖေဖော်ဝါရီ ၂၅ ရက်နေ့တွင် ပအိုဝ်းအမျိုးသားလွတ် မြောက်ရေးတပ်မတော် PNLA မှ ပအိုဝ်းဒေသ အတွင်း လုံခြုံရေးဆိုင်ရာလှုပ်ရှားမှုကို လုပ်ဆောင်နေစဉ် ရှမ်း ပြည်နယ်တောင်ပိုင်း ဟိုပုံးမြို့နယ် အရှေ့ဘက်ခြမ်းတစ်နေရာမှာ ထိုးစစ်ဆင်လာသည့် စစ်ကောင်စီစစ်ကြောင်းနှင့် နံနက် ၁၀ နာရီက နေ ညနေ ၃:၄၀ နာရီအချိန်ထိ တိုက် ပွဲအပြင်းအထန်ဖြစ်ပွားခဲ့ရပါသည်။

တိုက်ပွဲဖြစ်ပွားပြီးသည့် နေရာကို ပအိုဝ်းအမျိုးသားလွတ် မြောက်ရေး တပ်မတော် PNLA မှ နယ်မြေ ရှင်းလင်းရေးလုပ်ဆောင်စဉ် စစ်ကောင်စီ တပ်ဖွဲ့ဝင်များ၏ ရုပ်အ လောင်း (၁၆) လောင်း တွေ့ရှိပြီး အဲ့ ဒီရုပ်အလောင်းထဲက ဗိုလ်မှူးအဆင့်ရှိသူ ၂ ဦး ၊ ဗိုလ်ကြီးအဆင့်ရှိသူ (၃) ဦး ၊ MA လက်နက်ငယ် ၁၅ လက် ၊ ဒရုန်းပစ်လေဆာလက် နက် ၁ လက် ၊ ပစ္စတို ၁ လက် နှင့် လက်နက်ခဲယမ်းကျည်ဆံအများ အပြားကိုသိမ်းဆည်းရမိခဲ့တယ်လို့ ပအိုဝ်းအမျိုးသားလွတ်မြောက်ရေး တပ်မတော် PNLA ပိုင် သ တင်းစာမျက်နှာ တစ်ခုမှာ ဖော်ပြထားတာဖြစ်ပါသည်။

ပြီးခဲ့သည့် ဖေဖော်ဝါရီ ၂၄ ရက်မှာလဲ ဟိုပုံးမြို့နယ် လွယ်ဝိုးတုတ်(လွႆဝူဝ်းတူၵ်း) ကျေးရွာ အတွင်းကို စစ်ကောင်စီ ဘက်က တိုက်ခိုက်ရေး လေယဉ်ဖြင့် (၆) ကြိမ်ထက်မနည်း ဗုံးကျဲတိုက်ခိုက်သည့် အ တွက်ကြောင့် လွယ်ဝိုးတုတ် ကျေးရွာက ဒေသခံ ပြည်သူနေအိမ် (၈) လုံး မီး လောင်ပျက်စီးခဲ့ကာ ဖေ ဖော်ဝါရီ ၂၃ ရက် နေ့မှာလဲ ထမ်းဆမ်း(ထၢမ်ႈၸၢင်ႉ)စေတီတော်ကုန်းမှာစစ်ကောင်စီကတပ်စွဲထားပြီး မဲနယ်တောင်ဒေသ နှင့် လွယ်ဝိုးတုတ် (လွႆဝူဝ်းတူၵ်း) ကျေးရွာဘက်သို့ လက်နက်ကြီး များဖြင့် နေ့ တိုင်းဆိုသလို ပစ်ခတ်တိုက်ခဲ့နေတာ ဖြစ်ပါသည်။

စစ်ကောင်စီလက်အောက်ခံ PNO ပြည်သူ့စစ်တပ်ဖွဲဝင်များအနေဖြင့် နီးစပ်ရာ ပအိုဝ်းအမျိုးသား လွတ်မြောက် ရေးတပ်မတော် PNLA တပ်ဖွဲများထံသို ဆက်သွယ်ကာ လက်နက်နှင့်တကွ အမျိုးသား လွတ်မြောက်ရေးလမ်း ကြောင်းပေါ်သို ကူးပြောင်းလာပါက ထိုက်ထိုက်တန်တန် ဆုချီးမြှင့်သွားမှာ ဖြစ်တယ်လို့လဲ ပအိုဝ်းအမျိုးသားလွတ်မြောက်ရေး တပ်မတော် PNLA ပိုင် သတင်းစာမျက်နှာမှာ ဖော် ပြထားပါသည်။

Photo Credit to PNLA News & Information Department

#shanstateprogressparty #shanstatearmy

#SSPPInfo

#PNLA

#PNO