တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း PNLA တင်းၶွင်ႇသီႇသိုၵ်းမၢၼ်ႈႁူမ်ႈ ပီႇတုၸိတ်ႉ လႆႈပဵၼ်ပၢင်တိုၵ်း ၵၼ် ႁၢဝ်ႈႁႅင်း ၼႂ်းၸေႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း ၊ ၾၢႆႇၶွင်ႇသီႇသိုၵ်းမၢၼ်ႈ ႁူမ်ႈပျီႇတုၸိတ်ႉ PNO မီးလွင်ႈမၢတ်ႇၸဵပ်းလူႉတၢႆ လႄႈ သုမ်းပႃးၶိူင်ႈၵွင်ႈၵၢင်ႇ ၵမ်ႈၽွင်ႈၼႆယူႇယဝ်ႉ။

မိူဝ်ႈဝၼ်းထီႉ 20/02/2024 ၶၢဝ်းယၢမ်း ၵၢင်ၼႂ် 11:00 မူင်းၼၼ်ႉ ၶွင်ႇသီႇသိုၵ်းမၢၼ်ႈႁူမ်ႈပျီႇတုၸိတ်ႉ PNO ၶိုၼ်ႈလေႃႇတိုၵ်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း PNLA တီႈၾၢႆႇဢွၵ်ႇ သဵၼ်ႈတၢင်းၵႃးလူင် သီႇသႅင်ႇ- ႁူဝ်ပူင်းတီႈၼိုင်ႈသေ သွင်ၾၢႆႇလႆႈပဵၼ်ပၢင်တိုၵ်းၵၼ်ႈႁၢဝ်ႈႁႅင်း တေႃႇထိုင် ၶၢဝ်းယၢမ်း 17:00 မူင်း ၾၢႆႇၶွင်ႇ သီႇသိုၵ်းမၢၼ်ႈႁူမ်ႈ ပျီႇတုၸိတ်ႉ PNO ၶိုၼ်းၼုၵ်ႈထွႆဢွၵ်ႇတီႈ ဢၼ်ပဵၼ်ပၢင်တိုၵ်းလႄႈ သဵင်ၵွင်ႈ သဵင်မၢၵ်ႇ ၸင်ႇယဵၼ် ၼႆယူႇယဝ်ႉ။

ဝၢႆးပၢင်တိုၵ်းယဵၼ်ၵႂႃႇၼၼ်ႉ ယူႇတီႈတပ်ႉသိုၵ်းပူတ်းပွႆႇ ၸိူဝ်ႉၸၢတ်ႈပဢူဝ်း PNLA လႆႈၵႂႃႇၵူတ်ႇထတ်းတူၺ်း ဢွင်ႈတီႈဢၼ်ပဵၼ်ပၢင်တိုၵ်းသေ လႆႈထူပ်းႁၼ်တူဝ်တၢႆ ၶွင်ႇသီႇသိုၵ်းမၢၼ်ႈတင်း ပျီႇတုၸိတ်ႉ (5) ၵေႃႉ ၊ သိမ်းလႆႈပႃး မၢၵ်ႇၵွင်ႈၸိုၼ်းယၢမ်း ၵမ်ႈၽွင်ႈ လႄႈ ၵွင်ႈယၢဝ်း (4) လဝ်း ၼႆယူႇယဝ်ႉ။

တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း PNLA ၼႆႉ ပဵၼ် ၸုမ်းဢၼ်လူင်းလၢႆးမိုဝ်းလိၵ်ႈႁူမ်ႈမၢႆၵိုတ်းတိုၵ်း တူဝ်ႈ မိူင်း(NCA) ဝႆႉသေ မိူဝ်ႈပူၼ်ႉမႃး ဝၼ်းထီႉ 21/01/2024 ၼၼ်ႉ ယွၼ်ႉပိူဝ်ႈၶွင်ႇသီႇသိုၵ်းမၢၼ်ႈႁူမ်ႈၸုမ်းပျီႇတု ၸိတ်ႉ PNO ႁေႉႁၢမ်ႈလူတ်ႉၵႃး ဢၼ်တၢင်ႇၶိူင်ႈၵွင်ႈၵၢင်ႇ တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း PNLA ၶဝ် တီႈႁိမ်းဝၢၼ်ႈၸၢမ်ၽူး ၸေႈဝဵင်ႁူဝ်ပူင်း ၼၼ်ႉလႄႈ သွင် ၾၢႆႇလႆႈတေႇပဵၼ်ပၢင်တိုၵ်းၵၼ်မႃး တေႃႇထိုင် ယၢမ်းလဵဝ်ယူႇယဝ်ႉ။

#shanstateprogressparty

#shanstatearmy

#SSPPInfo

#PNLA

#PNO

#ၶွင်ႇသီႇသိုၵ်းမၢၼ်ႈ