News

News

Wednesday
July, 17

ငဝ်ႈငုၼ်း SSPP/SSA ၸတ်းႁဵတ်းပၢင်ၵႅဝ်ႈ ဝၼ်းၸိူဝ်ႉၸၢတ်ႈၸိုင်ႈတႆးၶွပ်ႈၶူပ်ႇ (77) ပီႊ

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်းပၢင်ၵႅဝ်ႈဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ (77) ပီႊ ဢွင်ႈတီႈႁူင်းႁဵၼ်းသိုၵ်း ငဝ်ႈငုၼ်း ၼႆယူႇယဝ်ႉ။

မိူဝ်ႈၼႆႉဝၼ်းထီႉ 07/02/2024 ပဵၼ်ဝၼ်း ၶွပ်ႈၶူပ်ႇ(77) ပီႊ ဝၼ်းၸိူဝ်ႉၸၢတ်ႈၸိုင်ႈတႆးၼႆလႄႈ တေႇမိူဝ်ႈၶၢဝ်းယၢမ်း ၵၢင်ၼႂ် 08:20 မူင်းၼၼ်ႉ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈၸတ်း ႁဵတ်း ပၢင်ၵႅဝ်ႈဝၼ်းၸိူဝ်ႉၸၢတ်ႈၸိုင်ႈတႆး ဢွင်ႈတီႈ ႁူင်း ႁဵၼ်းသိုၵ်း တီႈငဝ်ႈငုၼ်း SSPP/SSA သေ ၼႂ်း ၼၼ်ႉ မီးၽူႈယႂ်ႇ ၵူၼ်းလူင် ၊ ၸုမ်းလုၵ်ႈႁဵၼ်း ၊ ၸုမ်း ၵူၼ်းၼုမ်ႇ ၊ ၸုမ်းမေႃယႃ ၊ ၸုမ်းၼၢင်းယိင်းငဝ်ႈငုၼ်း SSPP/SSA ၊ ၽူႈၵွၼ်း တပ်ႉ/လုၵ်ႈတပ်ႉ SSPP/SSA ၊ ပေႃႈမႄႈၵူၼ်းမိူင်း ၶိုၼ်ႈႁွတ်ႈ ႁူမ်ႈသဵင်ႈမီး (1733) ၵေႃႉ ၼႆယူႇယဝ်ႉ။

တီႈၼႂ်းပၢင်ၵႅဝ်ႈၼၼ်ႉ မီးၸွမ်သိုၵ်းလူင်သိူဝ်ထႅၼ်ႈ မွၵ်ႇလၢတ်ႈၶေႃႈၵႂၢမ်းပိုတ်ႇပၢင် ၊ သပ်းလႅင်းၼႄပိုၼ်း ဝၼ်း ၸိူဝ်ႉၸၢတ်ႈၸိုင်ႈတႆး ႁဵတ်းႁိုဝ်ပဵၼ်မႃး ငဝ်းလၢႆးၵၢၼ်မိူင်းၵၢၼ်သိုၵ်းယၢမ်းလဵဝ် ၊ ၸဝ်ႈသိုၵ်းလူင်သႅင်ႁၢၼ် လူ ဢၢၼ်ႇ ၼႄၽိုၼ်လိၵ်ႈ ဢၼ်ငဝ်ႈငုၼ်း တီႇမူဝ်ႇ ၶရေႇ ၸီႇၸိူဝ်ႉၶိူဝ်းတႆး (Shan Nationalities League for Democracy) ယိုၼ်ႈထိုင်မႃး သေ ယူႇတီႈၽူႈၶိုၼ်ႈႁွတ်ႈ တၢင်းသဵင်ႈ ႁူမ်ႈႁွင်ႉၶေႃႈႁွင်ႉသႅၼ်ႇ(5)ၶေႃႈ ဢၼ်မီးဝႃႈ (1) ပႃႇတီႇ ႁႂ်ႈ မိူၼ်ပႃႇတီႇ ၵေႃႇသၢင်ႈတႃႉ ၵေႃႇသၢင်ႈတႃႉ (2) တပ်ႉႁႂ်ႈမိူၼ်တပ်ႉ ၵေႃႇသၢင်ႈတႃႉ ၵေႃႇသၢင်ႈတႃႉ (3) လွင်ႈၶွတ်ႇ လိူတ်ႈၽွမ်ႉႁူမ်ႈ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး လႄႈ ပေႃႈမႄႈၵူၼ်းမိူင်း ႁႂ်ႈယိုၼ်းယၢဝ်း ႁႂ်ႈယိုၼ်းယၢဝ်း (4) ၽူႈၶဵၼ်ၸိူဝ်ႉၸၢတ်ႈၸိုင်ႈတႆး တၵ်းလႆႈတူၵ်းသုမ်း တၵ်းလႆႈတူၵ်းသုမ်း (5) လၢႆးလုၵ်ႉၽိုၼ်ႉတီႇမူဝ်ႇၶရေႇၸီႇၸိူဝ်ႉ ၸၢတ်ႈ တၵ်းလႆႈဢွင်ႇပေႉ တၵ်းလႆႈဢွင်ႇပေႉ ၸဵမ်ၸိူဝ်းၼႆႉ လႄႈ ထိုင်မႃးၶၢဝ်းယၢမ်း ၵၢင်ၼႂ် 09:05 မူင်း ယူႇတီႈၽူႈ ၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈဢွင်ႇမၢၼ်ယဝ်ႉ တူဝ်ႈ ၵႂႃႇလီငၢမ်းယူႇယဝ်ႉ။

#shanstateprogressparty

#shanstatearmy

#SSPPInfo

#ဝၼ်းၸိူဝ်ႉၸၢတ်ႈၸိုင်ႈတႆး77ပီႊ

Find us on

Latest articles

- Advertisement - spot_img

Related articles

ရှမ်းမြောက် မိုင်းရယ်မြို့ကို SSPP/SSA မှ စစ်အင်အား ထောင်နှင့်ချီ ဝင်ရောက် တပ်စွဲ

ရှမ်းပြည်မြောက်ပိုင်း မိုင်းရယ်မြို့နယ် အတွင်း ဒေသတည် ငြိမ်ရေးနှင့် ပြည်သူ့လုံခြုံရေး အတွက် ရည်ရွယ်ပြီး SSPP/SSA မှ စစ်အင်အား ၁၀၀၀ ကျော်သည် ယမန်နေ့ ဇူလိုင်လ ၁၂ ရက်နေ့...

လဲချားမြို့နယ် နှင့် ရပ်စောက်မြို့နယ်အတွင်းဒေသလုံ ခြုံရေး လုပ်ငန်းများ ဆောင်ရွက်နေစဉ် RCSS တပ်ဖွဲ့ ဝင်တစ်ချို့၏...

ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA ၏ အထူးတပ်ဖွဲ့မှ ဒေသ လုံခြုံရေးလုပ်ငန်းများ ဆောင်ရွက်နေစဉ် ရှမ်းပြည်ပြန်လည်ထူထောင်ရေးကောင်စီ RCSS တပ်ဖွဲ့များ ထောင်ထားသည့် လက်လုပ် မိုင်း အချို့ကို ရှမ်းပြည်နယ်တောင်ပိုင်း လဲချားမြို့နယ်နှင့်...

SSPP/SSA ယိုတ်းသိမ်းလႆႈ မၢၵ်ႇမႅင်း ဢၼ်ပႆႇတႅၵ်ႇ ၼႂ်း ၸေႈဝဵင်းလၢႆးၶႃႈ လႄႈ ၼႂ်းၸေႈဝဵင်းလွၵ်ႉၸွၵ်ႇ

သၢႆသိုၵ်းၶိုၵ်ႉတွၼ်း ၾၢႆႇၵူတ်ႇမူၺ်ႉမၢၵ်ႇ ၼႂ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လူင်း ၵူတ်ႇမူၺ်ႉမၢၵ်ႇ ဢၼ်ၸုမ်း ၶွင်ႇသီႇဢဝ်ၶိုၼ်းၸိုင်ႈတႆး RCSS ႁၢင်ႈၵၢင်ဝႆႉ ၼႂ်းၸေႈဝဵင်းလၢႆးၶႃႈ လႄႈ ၸေႈဝဵင်းလွၵ်ႉ ၸွၵ်ႇ ၸိုင်ႈတႆးပွတ်းၸၢၼ်း ၼၼ်ႉသေ...

လူတ်ႉၶိူင်ႈ လႄႈ လူတ်ႉၵႃး ၽႃႇၺႃးၵၼ် ၼႂ်းၸေႈဝဵင်းမိူင်းၼွင် ၵူၼ်းႁေႃႈလူတ်ႉၶိူင်ႈ မၢတ်ႇၸဵပ်းႁၢဝ်ႈႁႅင်း

လူတ်ႉၶိူင်ႈ လႄႈ လူတ်ႉၵႃး ႁေႃႈၽႃႇၺႃးၵၼ် ၼႂ်းၸေႈဝဵင်းမိူင်းၼွင် ၸေႈတွၼ်ႈမိူင်းသူႈ ၸိုင်ႈတႆးပွတ်း ၸၢၼ်း ၵူၼ်းႁေႃႈလူတ်ႉၶိူင်ႈ တိူဝ်ႉၺႃး တီႈၶႃလူင် မၢတ်ႇၸဵပ်းႁၢဝ်ႈႁႅင်း ၼႆယူႇယဝ်ႉ။ မိူဝ်ႈၼႆႉ လိူၼ်ၵျူၼ်ႇ 23 ဝၼ်း ၶၢဝ်းယၢမ်း...

RCSS က အကြိမ်ကြိမ် မိုင်းဆွဲ တိုက်ခိုက်နေပေမယ့် ရှမ်းလူထုအတွက် နောက်ဆုံး အချိန်ထိ စိတ်ရှည်...

တည်းဖြတ် - ခမ်းစက်SSPPInfoဇွန်လ၊ ၁၃ ရက်၊ ၂၀၂၄ ခုနှစ် shanstateprogressparty shanstatearmy #SSPPInfo RCSS #မိုင်းဆွဲတိုက်ခိုက်

SSPP စစ်ကြောင်းကို RCSS က ထပ်မံ မိုင်းဆွဲတိုက်ခိုက်

ရှမ်းပြည်နယ် တောင်ပိုင်း ဟိုပုံးမြို့နယ် နှင့် ရပ်စောက်မြို့နယ်ထဲက ရှမ်းပြည်တိုးတက်ရေးပါတီ ရှမ်းပြည် တပ်မတော် SSPP/SSA စစ်ကြောင်းကို ရှမ်းပြည်ပြန် လည်ထူထောင်ရေးကောင်စီ RCSS တပ်ဖွဲ့ဝင်တွေက ထပ်မံ မိုင်းဆွဲတိုက်ခိုက်ခဲ့သည်။ ရပ်စောက်မြို့နယ် တောင်ထိပ်ကျေးရွာ(ဝၢၼ်ႈတွင်ႇထိၵ်ႈ)...