မီးၽူႈၸၢႆးၵေႃႉၼိုင်ႈ ၶီႇလူတ်ႉၶိူင်ႈ ပႃးၵွင်ႈပွတ်းသေ ၶဝ်ႈၸူၼ် လၢၼ်ႉၶၢႆၶမ်း တီႈၼိုင်ႈ ဢၼ်မီးၼႂ်းၵၢတ်ႇလူင် ဝဵင်းလၢႆးၶႃႈ ၸေႈဝဵင်းလၢႆးၶႃႈ ၸိုင်ႈတႆးပွတ်းၸၢၼ်း ၼၼ်ႉယူႇယဝ်ႉ။

မိူဝ်ႈဝၼ်းထီႉ 03/01/2024 မိူဝ်ႈၶၢဝ်းယၢမ်း 14:05 မူင်း ၼၼ်ႉ မီးၽူႈၸၢႆး ဢမ်ႇႁူႉၸိုဝ်ႈ/ဢမ်ႇႁူႉၾၢႆႇ ၵေႃႉၼိုင်ႈ သႅၼ်းဢႃႇယုမွၵ်ႈ (30) ပီႊ ၼုင်ႈသိူဝ်ႈသွၼ်ႉၸိၼ်း ၊ ၵူၼ်သီငိုၼ်း ၊ တိုဝ်းမၢၵ်ႇႁူဝ်လူတ်ႉၶိူင်ႈသေ ၶဝ်ႈၵႂႃႇတီႈလၢၼ်ႉ ၶၢႆၶမ်း “ၶမ်းလီ” ဢၼ်မီးၼႂ်းၵၢတ်ႇလူင်ဝဵင်းလၢႆး ၶႃႈၼၼ်ႉလႄႈ ထူၵ်းၵွင်ႈပွတ်း ၸမ်ႈငႃၸဝ်ႈလၢၼ်ႉၶမ်း ၸူၼ်ႁိမ်ဢဝ်ၵႂႃႇ သၢႆၶေႃးၶမ်း ၼိုင်ႈသဵၼ်ႈ ဢၼ်ၼမ်ႉ ၼၵ်းမီး (3) ၵျၢပ်ႈ ၊ ၸွပ်ႇမိုဝ်း(3) ဢၼ် ၊ ၼိုင်ႈဢၼ်ၼမ်ႉ ၼၵ်းမီး (4) မူး ၼႆယူႇယဝ်ႉ။

ဝၢႆးသေ ၸူၼ်ဢဝ်လႆႈ သၢႆၶေႃးၶမ်း လႄႈ ၸွပ်ႇမိုဝ်းယဝ်ႉ ၽူႈၸၢႆးၵေႃႉဢၼ်ၸူၼ်ၼၼ်ႉ ၶိုၼ်းၶီႇလူတ်ႉၶိူင်ႈသေ ဢွၵ်ႇပၢႆႈၵႂႃႇၼႆယူႇယဝ်ႉ။လၢၼ်ႉၶၢႆၶမ်း “ၶမ်းလီ” ဢၼ်ထုၵ်ႇၺႃး ၽူႈၸၢႆးဢမ်ႇႁူႉ ၾၢႆႇ ၶဝ်ႈၸူၼ်ၼၼ်ႉ ပဵၼ်လၢၼ်ႉၶမ်း လုင်းၸၢႆးဢွင်ႇထူး + ပႃႈၵဵင်ၶမ်း ယူႇပွၵ်ႉမၢႆ(1) ၸေႈဝဵင်းလၢႆးၶႃႈ ၼႆယူႇယဝ်ႉ ။

တေႇၸဵမ်မိူဝ်ႈ ဝၢႆးၶွင်ႇသီႇသိုၵ်းမၢၼ်ႈ သိမ်းဢႃႇၼႃႇၸိုင်ႈ မိူင်းမႃးသေ ငဝ်းလၢႆး ၵၢၼ်မိူင်း ၵၢၼ်သိုၵ်း ၼႂ်းမိူင်းႁူမ်ႈ တုမ် ဢမ်ႇမီးလွင်ႈၼိမ်သဝ်းၼႆႉ ၶၢၼ်ၵုၼ်ႇၵူႈဢၼ် ၵူႈလွင်ႈ ၵိုင်ႉၵၢင်ႉပုင်ႈၶိုၼ်ႈသုင် ၵူၼ်းမိူင်းမီးလွင်ႈယၢပ်ႇ ၽိုတ်ႇ ယွၼ်ႉတၢမ်ႇၵၢၼ်မိူင်းၵၢၼ်သိုၵ်း လႄႈ ၽူႈလၵ်ႉ ၵူၼ်း ၸူၼ်ၵေႃႈ လိူင်ႇၼမ်မႃး ၵူႈတီႈၵူႈတၢင်း ၵူၼ်းမိူင်း ၸိူဝ်း ႁဵတ်းၵၢၼ်ပၢႆးမၢၵ်ႈမီး ၊ ၸိူဝ်းၵႂႃႇမႃးၸွမ်း သဵၼ်ႈတႃႈသၢႆတၢင်းၵေႃႈ ဢမ်ႇမီးလွင်ႈႁူမ်ႇလူမ်ႈ သေတီႈ ၼႆယူႇယဝ်ႉ။#shanstateprogressparty

#shanstatearmy

#SSPPInfo

#ၸူၼ်

#လၢၼ်ႉၶၢႆၶမ်း