တပ်ႉသိုၵ်းတဢၢင်း TNLA ႁူမ်ႈ ၸုမ်း PDF ၶိုၼ်ႈလေႃႇတိုၵ်း တပ်ႉသိုၵ်း ၶွင်ႇသီႇသိုၵ်းမၢၼ်ႈ တီႈတပ်ႉ ၶလယ (71) တီႈႁိမ်းဝဵင်းမိူင်းလူင် ၵိင်ႇၽႄ ၸေႈဝဵင်း ၵျွၵ်ႉမႄး ၊ ၾၢႆႇၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ် ပွႆႇမၢၵ်ႇတိုၵ်းယိုဝ်းၸွႆႈ တီႈဢၼ်ပဵၼ်ပၢင်တိုၵ်းၼၼ်ႉ ၼႆယူႇယဝ်ႉ။
မိူဝ်ႈၼႆႉ ဝၼ်းထီႉ 07/12/2023 ၶၢဝ်းယၢမ်း ၵၢင်ၼႂ် 06:30 မူင်းၼၼ်ႉ တပ်ႉသိုၵ်းတဢၢင်း TNLA ႁူမ်ႈ ၸုမ်း PDF ႁႅင်းသိုၵ်း မွၵ်ႈ 200 ၵေႃႉ ၶိုၼ်ႈလေႃႇတိုၵ်း တပ်ႉသိုၵ်းၶွင်ႇသီႇသိုၵ်းမၢၼ်ႈ တီႈတပ်ႉၶလယ (71) ဢၼ်ပၵ်းသဝ်းဝႆႉႁိမ်းဝဵင်းမိူင်းလူင် ၵိၵ်ႇၽႄၸေႈဝဵင်းၵျွၵ်ႉမႄး ၸေႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉသေ သွင် ၾၢႆႇလႆႈပဵၼ်ပၢင်တိုၵ်းၵၼ် ႁၢဝ်ႈႁႅင်း တေႃႇထိုင်ၶၢဝ်း ယၢမ်း ၵၢင်ၼႂ် 10:00 မူင်း ၊ ၾၢႆႇသိုၵ်းမၢၼ်ႈ ၸႂ်ႉႁိူဝ်း မိၼ်တိုၵ်း မႃးယိုဝ်းၸွႆႈတီႈပဵၼ်ပၢင်တိုၵ်းၼၼ်ႉ (2) ပွၵ်ႈလႄႈ သဵင်ၵွင်ႈသဵင်မၢၵ်ႇ ၸင်ႇယဵၼ် ၼႆယူႇယဝ်ႉ။
တေႃႇထိုင်မိူဝ်ႈလဵဝ် သဵင်ၵွင်ႈသဵင်မၢၵ်ႇယဵၼ်ဝႆႉ ၼႆသေတႃႉ သွင်ၾၢႆႇတိုၵ်ႉသိုပ်ႇၶဵင်ႈၶႅင်ၼႃႈသိုၵ်းတေႃႇၵၼ်ဝႆႉ တီႈႁိမ်းဢၼ်ပဵၼ် ပၢင်တိုၵ်းၼၼ်ႉ ၼႆယူႇယဝ်ႉ။
Photo-Credit
#shanstateprogressparty #shanstatearmy
#ssppinfo
#ပၢင်တိုၵ်း
#TNLA
