ယိူင်းဢၢၼ်း တႃႇပေႃႈမႄႈၵူၼ်းမိူင်း တေၵႂႃႇမႃးငၢႆႈ ၊ တႃႇမီးၼမ်ႉၸႂ်ႉတိုဝ်းထိုင်ၼႂ်းဝၢၼ်ႈ ၼႆသေ ၽူႈမီးပုၼ်ႈ ၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်း ၵျွၵ်ႉမႄး ၼၼ်ႉ ၸွႆႈ ဢဝ်ၼမ်ႉမႃး ၼႂ်းဝၢၼ်ႈ ၊ ၸွႆႈသိူဝ်ႇတၢင်း ၊ မႄးတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။

မိူဝ်ႈဝၼ်းထီႉ 26-28/12/2023 ၶၢဝ်းတၢင်း ( 3) ဝၼ်း ၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း ၵျွၵ်ႉမႄး လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ လႄႈ ‌ပေႃႈမႄႈၵူၼ်းမိူင်း ႁူမ်ႈႁႅင်းၵူၼ်း (249) ၵေႃႉ ဢွၼ်ၵၼ် မႄးၶုတ်းၼမ်ႉမေႃႇ ဢဝ်ၼမ်ႉသႂ်ႇလွတ်ႇ မႃးၸူးၼႂ်းဝၢၼ်ႈ သေ ၸွႆႈသိူဝ်ႇသၢႆးပၼ် ပေႃႈမႄႈ ၵူၼ်းမိူင်း တီႈဝၢၼ်ႈၶၢႆးတူၼ်ႈၵႅင်း ပွၵ်ႉ( 3) ဢိူင်ႇၼွင်ပိင် ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ၶူဝ်းၸႂ်ႉတိုဝ်း ဢၼ်လႆႈၸွႆႈထႅမ်ၵႂႃႇၼၼ်ႉ သၢႆးတႃႇသိူဝ်ႇတၢင်း (17) လမ်း၊ လွတ်ႇၼမ်ႉ သႅၼ်း 2 ပႅၵ်ႉ(6) လႅမ်ႈ ၊ လွတ်ႇၼမ်ႉသႅၼ်း ၼိုင်ႈၶိုင်ႈပႅၵ်ႉ (42) လႅမ်ႈ ၼႆယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈ တီႈလႂ်တီႈၼၼ်ႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။#shanstateprogressparty

#shanstatearmy

#SSPPInfo

#SSPP

#တွၼ်ႈလိၼ်ၶိုၼ်ႈယႂ်ႇ