ၽူႈမီးပုၼ်ႈၽွၼ်းၾၢႆႇဢုပ်ႉပိူင်ႇ SSPP ၼႂ်းၸေႈဝဵင်းမၢႆ (24) ၸေႈဝဵင်းၵျွၵ်ႉမႄးၼၼ်ႉ လူင်းႁူပ်ႉထူပ်း ပၼ်ႁႅင်း ၸႂ် ၵူၼ်းမိူင်းၸိူဝ်းပၢႆႈၽေးပၢင်တိုၵ်း လႄႈ ၸွႆႈထႅမ်ပၼ် ၶဝ်ႈသၢၼ် ၊ ငိုၼ်း ၸဵမ်ၸိူဝ်းၼႆႉယူႇယဝ်။

မိူဝ်ႈဝၼ်းထီႉ 23/12/2023 ၼၼ်ႉ ယူႇတီႈၾၢႆႇ ဢုပ်ႉပိူင်ႇ SSPP ၼႂ်း ၸေႈဝဵင်းမၢႆ(24) ၵျွၵ်ႉမႄး လႆႈလူင်းႁူပ်ႉထူပ်း ပၼ်ႁႅင်းၸႂ် ပေႃႈမႄႈၵူၼ်းမိူင်း ၸိူဝ်းပၢႆႈၽေးသိုၵ်းသေ မႃးသွၼ်ႈသဝ်းဝႆႉတီႈ ဝတ်ႉၵျွင်း မုၼ်ၸဝ်ႈ ဝၢၼ်ႈၼႃးပဵင်း ဢိူင်ႇပၢင်ႇလေႃႉ ၸေႈဝဵင်း ၵျွၵ်ႉမႄး လႄႈ လႆႈၸွႆထႅမ်ပၼ် ၶဝ်ႈသၢၼ် (5) ပွတ်း ၊ ငိုၼ်း (200,000) သွင်သႅၼ် ၵျၢပ်ႈ ၼႆယူႇယဝ်ႉ။

ၵူၼ်းပၢႆႈၽေးသိုၵ်း ဢၼ်မႃးသွၼ်ႈသဝ်းဝႆႉ တီႈဝတ်ႉၵျွင်း ဝၢၼ်ႈၼႃးပဵင်းၼႆႉ ႁူမ်ႈသဵင်ႈမီး (80) ၵေႃႉ ပဵၼ်ၵူၼ်းဝၢၼ်ႈလွႆၶေႃ ၊ ဝၢၼ်ႈ ပူးၶႃး ဢိူင်ႇၼမ်ႉသိမ်ႇ ၸေႈဝဵင်း ၵျွၵ်ႉ မႄး သေ ယွၼ်ႉၶွင်ႇသီႇသိုၵ်းမၢၼ်ႈ တင်း တပ်ႉသိုၵ်းတဢၢင်းႁူမ်ႈ ၸုမ်း PDF ၶဝ် ၵႆႉပဵၼ်ပၢင်တိုၵ်း ပိုတ်းယိုဝ်းၵၼ် ၸွမ်းႁိမ်းဝၢၼ်ႈႁိမ်းသူၼ် လႄႈ ၸင်ႇလႆႈဢွၼ် ၵၼ်ပၢႆႈ ၼႆယူႇယဝ်ႉ။#shanstateprogressparty

#shanstatearmy

#SSPPInfo

#ၵူၼ်းပၢႆႈၽေးသိုၵ်း