ၽူႈမီးပုၼ်ႈၽွၼ်းၾၢႆႇဢုပ်ႉပိူင်ႇ SSPP ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(18) ၸေႈဝဵင်းၼမ်ႉတူႈ ၸေႈတွၼ်ႈမၢႆ(8) ၼၼ်ႉ လူင်းႁူပ်ႉထူပ်း ပၼ်ႁႅင်းၸႂ် ၵူၼ်းမိူင်းၸိူဝ်းပၢႆႈၽေးပၢင်တိုၵ်း လႄႈ ၸွႆႈထႅမ်ပၼ် ၶဝ်ႈသၢၼ် ၊ ငိုၼ်း ၸဵမ်ၸိူဝ်းၼႆႉယူႇယဝ်။

မိူဝ်ႈဝၼ်းထီႉ 25/12/2023 ၼၼ်ႉ ယူႇတီႈၾၢႆႇ ဢုပ်ႉပိူင်ႇ SSPP ၼႂ်းၼႃႈတီႈဢုပ်ႉပိူင်ႇ ၸေႈတွၼ်ႈမၢႆ(8) ၸေႈဝဵင်းမၢႆ(18) ၼမ်ႉတူႈ လႆႈလူင်းႁူပ်ႉထူပ်း ပၼ်ႁႅင်းၸႂ် ပေႃႈမႄႈၵူၼ်းမိူင်း ၸိူဝ်းလုၵ်ႉတီႈဝဵင်းၼမ်ႉတူႈ ပၢႆႈၽေးပၢင်တိုၵ်းသေ မႃးသွၼ်ႈသဝ်းဝႆႉ တီႈဝတ်ႉၵျွင်း မုၼ်ၸဝ်ႈ ဝၢၼ်ႈ ၸၢမ် ၊ ႁူင်းႁဵၼ်းဝၢၼ်ႈၸၢမ် ဢိူင်ႇဝၢၼ်ႈၸၢမ် ၼႂ်းၼႃႈတီႈဢုပ်ႉပိူင်ႇ SSPP ၸေႈတွၼ်ႈမၢႆ(8) ၸေႈဝဵင်းမၢႆ(18) လႄႈ လႆႈၸွႆႈထႅမ်ပၼ် ၶဝ်ႈသၢၼ်(16)ထူင်၊ ၵျႃႇသၢၼ်ႇ ထူင်လူင် (1)ထူင်၊ ၼမ်ႉမၼ်း ပုင်းယႂ်ႇ (1)ပုင်း၊ ထူဝ်ႇလိူင် (10)ၸွႆႉ၊ ၽၵ်းၵၢတ်ႇမၢၵ်ႇ ထူင်လူင် (1)ထူင် ၸဵမ်ၸိူဝ်းၼႆႉယူႇယဝ်ႉ။

ၵူၼ်းပၢႆႈၽေးပၢင်တိုၵ်း ဢၼ်မႃးသွၼ်ႈသဝ်းဝႆႉ တီႈဝတ်ႉ ၵျွင်း ဝၢၼ်ႈၸၢမ် ၊ ႁူင်းႁဵၼ်းဝၢၼ်ႈၸၢမ်ၼႆႉ ႁူမ်ႈသဵင်ႈမီး (400) ၵေႃႉပၢႆ ပဵၼ်ပေႃႈမႄႈၵူၼ်းမိူင်း ၼႂ်းဢိူင်ႇသၢႆး ၶၢဝ် ၊ ၼႂ်းဝဵင်းၼမ်ႉတူႈ သေ ယွၼ်ႉၶွင်ႇသီႇသိုၵ်းမၢၼ်ႈ တင်း တပ်ႉသိုၵ်းတဢၢင်း TNLA ၶဝ် ၵႆႉပဵၼ်ပၢင်တိုၵ်း ပိုတ်းယိုဝ်း ၵၼ် ၸွမ်းႁိမ်းဝၢၼ်ႈႁိမ်းသူၼ် ၊ ၸွမ်းၼႂ်းဝဵင်း လႄႈ ၸင်ႇလႆႈဢွၼ်ၵၼ်ပၢႆႈႁႃတီႈလွတ်ႈၽေး ၼႆယူႇယဝ်ႉ။

#shanstateprogressparty

#shanstatearmy

#SSPPInfo

#SSPP

#ၵူၼ်းပၢႆႈၽေး