တပ်ႉသိုၵ်း TNLA တင်း ၶွင်ႇသီႇသိုၵ်းမၢၼ်ႈ တပ်ႉ ၶလယ(130) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸေႈဝဵင်းဝၢၼ်ႈတူင်ႈ ၸိုင်ႈတႆးပွတ်းႁွင်ႇ ၼႆယူႇယဝ်ႉ။

မိူဝ်ႈဝၼ်းထီႉ 19/12/2023 ၶၢဝ်းယၢမ်း ၵၢင်ၼႂ် 5:30 ဢၼ်ပဵၼ်တပ်ႉမူင်းၼၼ်ႉ တပ်ႉသိုၵ်းတဢၢင်းTNLA တင်း ၶွင်ႇသီႇသိုၵ်းမၢၼ်ႈ ပဵၼ်ပၢင်တိုၵ်းၵၼ်ႁၢဝ်ႈႁႅင်း တီႈတပ်ႉၶွင်ႇသီႇသိုၵ်းမၢၼ်ႈ ၶလယ (130) ၼႂ်းၸေႈဝဵင်း ဝၢၼ်ႈတူင်ႈ ၸိုင်ႈတႆးပွတ်းႁွင်ႇ တေႃႇထိုင်ယၢမ်း ၵၢင်ၼႂ် 10:30 မူင်းၼႆႉၵေႃႈ သဵင်ၵွင်ႈသဵင်မၢၵ်ႇပႆႇယဵၼ် ၼႆယူႇယဝ်ႉ။

“ၸႂ်ႈယဝ်ႉၶႃႈ ၶဝ်ပဵၼ်ပၢင်တိုၵ်းၵၼ် တၢင်းၸေႈဝဵင်း ဝၢၼ်ႈတူင်ႈဢေႃႈ။ သဵင်မၢၵ်ႇမေႃးဝႆႉတၢင်းၼႂ်ယဝ်ႉၶႃႈ ႁိူဝ်းမိၼ်ၵေႃႈ လႆႈႁၼ်ၵႂႃႇတၢင်းဝၢၼ်ႈတူင်ႈယူႇ လမ်း ၼိုင်ႈၶႃႈ သၢႆၵပ်းသိုပ်ႇၼႆ လႅင်းၽူင်းၵေႃႈ မၢၼ်ႈၶဝ်ပိၵ်ႉဝႆႉလႄႈ ပႆႇလႆႈႁူႉႁူဝ်ယွႆႈမၼ်း ထႅင်ႈၶႃႈ သဵင်မၢၵ်ႇတေႉ တိုၵ်ႉငိၼ်းယူႇတေႃႇမိူဝ်ႈလဵဝ် ” ၵူၼ်းပိုၼ်ႉတီႈဢၼ်ယူႇတီႈဝဵင်းၼမ်ႉတူႈ ၵေႃႉၼိုင်ႈ လၢတ်ႈၼင်ႇၼႆ။

ၼႂ်းၶၢဝ်းတၢင်း ပူၼ်ႉမႃး ဝၼ်းသွင်ဝၼ်းၼႆႉ ၼႂ်းၸေႈဝဵင်း ၼမ့်တူႈ ၊ ၸေႈဝဵင်းဝၢၼ်ႈတူင်ႈ လႅင်းၽူင်းလႅင်းၼႅတ်ႇ Internet ဢမ်ႇမီး မၢင်တီႈၵေႃႈ တေႃႉတေႉမီးၵူၺ်း လႄႈ ၶေႃႈမုၼ်းႁူဝ်ယွႆႈ လွင်ႈလူႉတၢႆမၢတ်ႇၸဵပ်းတီႈ ၼႂ်းပၢင်တိုၵ်း ၊ လွင်ႈၵူၼ်းမိူင်းပိုၼ်ႉတီႈလႆႈပၢႆႈၽေးပၢင်တိုၵ်းၸိူဝ်းၼႆႉ ပႆႇလႆႈႁူႉၸွမ်းၼႆယူႇယဝ်ႉ။

Photo -Credit

#shanstateprogressparty

#shanstatearmy

#TNLA

#ၶွင်ႇသီႇသိုၵ်းမၢၼ်ႈ

#ပၢင်တိုၵ်း

#ၸေႈဝဵင်းဝၢၼ်ႈတူင်ႈ