ဒီဇင်ဘာ ၂ ရက်ရှမ်းပြည်နယ်မြောက်ပိုင်း နမ့်ခမ်းမြို့နယ်မှာ စစ်ကောင် စီက တအာင်းတပ်ဖွဲ့ TNLA တို့ရှိရာ လူနေရပ်ကွက်အ တွင်း ဂျက်လေယာဥ်ဖြင့် ဗုံးကျဲတိုက်ခိုက်ခဲ့သည့်အတွက်ကြောင့် ရပ်ကွက်နေ ပြည်သူ၏နေအိမ်တစ် လုံးထိခိုက်ပျက်စီးကာ ကျည်စထိမှန်လို့ ဒေသခံ ပြည်သူ(၁)ဦးသေ ဆုံးပြီး (၆)ဦးဒဏ်ရာ ရရှိထားပါတယ်။
စက်တင်ဘာ ၁ ရက် ည ၉ :၁၅ နာရီ မှာတစ်ကြိမ် ည ၉:၄၅ နာရီမှာတစ်ကြိမ် စစ်ကောင်စီဘက်က ဂျက်လေယာဥ်တစ်စီးဖြင့် တအာင်းတပ်ဖွဲ့ TNLA တို့နေရာယူ ထားသည့် နမ့်ခမ်းမြို့နယ် နောင်မိုရပ်ကွက် ၊ နောင်စန့်ရပ် ကွက် ၊ အောင်မေတ္တာရပ်ကွက် အတွင်း ဗုံးကျဲတိုက်ခိုက်ခဲ့ရာ ရပ်ကွက် အတွင်း လူနေအိမ်တစ် လုံးထိခိုက် ပျက် စီးပြီး ဒေသခံပြည်သူ (၁) ဦးသေဆုံး (၆)ဦး ဒဏ်ရာရှိထားပါတယ်။ဒဏ်ရာရ လူနာတွေဟာ နမ့်ခမ်းမြို့နယ် ဟိုကတ် ရပ် ကွက်နေထိုင်သူ ချင်းလူမျိုးများဖြစ်သည့် ဒေါ်တင်တင်အေး အသက် (၄၆) နှစ် ၊ မလှရီ အသက်(၁၉) နှစ် ၊ မဆောင်းသပြေဦး အသက်(၁၂) နှစ် ၊ မသန်းမေလု အ သက် (၁၇) နှစ် ၊ ဆလိူင်းမောင်ရင် အသက်(၁၆) နှစ် နှင့် အောင်မေတ္တာရပ်ကွက် နေ ရှမ်းလူမျိုး စိုင်းအိုက်စိုင်း အ သက်(၂၈) နှစ်တို့ ဖြစ်ကြပါတယ်။ဒဏ်ရာရ လူနာတွေကို ရှမ်းပြည်တိုးတက်ရေးပါတီရှမ်းပြည်တပ်မတော် SSPP/SSA မှ ဘေးလွတ်ရာနေရာသို့ ပြောင်းရွှေ့ထားပြီး ဆေးကုသမူ့အကူအညီတွေ ပေးနေပါတယ်။
” ဟုတ်ပါတယ် TNLA တပ်ဖွဲ့က ရပ်ကွက်ထဲမှာ လာနေကြတော့ စစ်ကောင်စီတွေက လေယာဥ်နဲ့ဗုံးလာကျဲသွားတာ ဖြစ်နိုင်ရင်တော့ ဘယ်အဖွဲ့မဆို ပြည်သူကိုငဲ့ညှာပြီး တိုက်ပွဲဖြစ်နေတဲ့ကာလမှာ ပြည်သူတွေ လူနေများတဲ့ရပ်ကွက်မှာ လက်နက်ကြီးနဲ့မပစ်ကြပါနဲ့ပေါ့ ပြီး တော့ ကျွန်တော်တို့ပြည်သူတွေရဲ့ ရပ်ကွက်ထဲ ရွာထဲ မှာ နီးနီးကပ်ကပ်လာမနေကြပါနဲ့လို့ မေတ္တာရပ်ခံချင်ပါတယ်” လို့ နမ့်ခမ်းဒေသခံတစ်ဦးက ပြောပါတယ်။
ယနေ့ အချိန်ထိ နမ့်ခမ်းမြို့နယ်က စစ်ကောင်စီရဲ့ စ ခန်းသစ်တပ်စခန်းမှာ မကြာခဏဆိုသလို တိုက်ပွဲဖြစ် ပွားလေ့ရှိပြီး စစ်ကောင်စီဘက်က ဂျက်လေယာဥ်ဖြင့် နမ့်ခမ်း မြို့နယ်အတွင်း လိုက်လံပစ်ခတ်ကာ တိုက်ပွဲကြောင့် နမ့်ခမ်း ဒေသခံပြည်သူတစ်ချို့ အသက်ဆုံးရှူံးရသလို ဒဏ်ရာရသူ အများအပြားနှင့် စစ်ဘေးရှောင်နေရသူ (၄၀၀၀) ကျော် ရှိနေပါတယ်။#shanstateprogressparty
#shanstatearmy
#SSPP
#SSA
#ဗုံးကျဲတိုက်ခိုက်
