တပ်ႉသိုၵ်းတဢၢင်း TNLA ႁူမ်ႈ PDF ၸႂ်ႉပႃး ၶိူင်ႈဝိၼ် တရူၼ်း လႄႈ ႁႅင်းၵူၼ်းသေ ၶိုၼ်ႈလေႃႇတိုၵ်း တပ်ႉသိုၵ်းမၢၼ်ႈ တီႈႁူဝ်ၶူဝ်ၼမ်ႉဢုၼ်ႇ ႁိမ်းဝၢၼ်ႈၸေႈ ဢႅၼ်ႇဝၢၼ်ႈၼႃးလၢင်း ၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၼႆယူႇယဝ်ႉ။မိူဝ်ႈၼႆႉဝၼ်းထီႉ 01/12/2023 တေႇၶၢဝ်းယၢမ်း ၵၢင် ၼႂ် 6:30 မူင်းၼၼ်ႉ တပ်ႉသိုၵ်းတဢၢင်း TNLA ႁူမ်ႈ PDF ႁႅင်းၵူၼ်း (100) ၵေႃႉပၢႆ လႆႈၸႂ်ႉတရူၼ်း ၶိုၼ်ႈပွႆႇမၢၵ်ႇသႂ်ႇ တပ်ႉသိုၵ်းမၢၼ်ႈ ဢၼ်မီးဝႆႉ တီႈႁူဝ်ၶူဝ် ၼမ်ႉဢုၼ်ႇ ႁိမ်းဝၢၼ်ႈၸေႈဢႅၼ်ႇ ၊ ၼႃးလၢင်း ၼႂ်းၸေႈဝဵင်းသီႇပေႃႉ ၼၼ်ႉ (10) လုၵ်ႈပၢႆသေ သွင်ၾၢႆႇလႆႈပဵၼ်ပၢင်တိုၵ်းၵၼ် ႁၢဝ်ႈႁႅင်း တေႃႇထိုင် ၶၢဝ်းယၢမ်း ၵၢင်ၼႂ် 09:30 မူင်း ၾၢႆႇတပ်ႉသိုၵ်းတဢၢင်း TNLA ႁူမ်ႈ PDF သိမ်းလႆႈတပ်ႉသိုၵ်းမၢၼ်ႈ လႄႈ သဵင်ၵွင်ႈသဵင်မၢၵ်ႇ ၶိုၼ်းယဵၼ်ၵႂႃႇၼႆယူႇယဝ်ႉ။

ယွၼ်ႉပၢင်တိုၵ်းသေ ၵူၼ်းမိူင်းပိုၼ်ႉတီႈ ဝၢၼ်ႈၸေႈ ဢႅၼ် ၊ ဝၢၼ်ႈၼႃးလၢင်း လႆႈဢွၼ်ၵၼ် ပၢႆႈၽေး ပၢင်တိုၵ်း ၵႂႃႇသွၼ်ႈသဝ်းဝႆႉ တီႈဝတ်ႉၵျွင်းမုၼ်ၸဝ်ႈ ဝၢၼ်ႈ ႁၢင် ၼႃး လႄႈ ႁိူၼ်းပီႈၼွင်ႉၽႂ်မၼ်း တၢင်းၼမ် ၼႆယူႇယဝ်ႉ။Photo-Crd:#shanstateprogressparty #shanstatearmy

#SSPP

#SSA#ပႃႇတီႇမႂ်ႇသုင်ၸိုင်ႈတႆး

#တပ်ႉသိုၵ်းၸိုင်ႈတႆး #ပၢင်တိုၵ်း

#TNLA

#ၶွင်ႇသီႇသိုၵ်းမၢၼ်ႈ